ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Vrasja e 41-vjeçarit në Vlorë, dy pista hetimit të policisë

11 September 2023, 19:49Aktualitet SHKRUAR NGA REDAKSIA VOX
Vrasja e 41-vjeçarit në Vlorë, dy pista hetimit të
Laert Keka

Laert Keka u godit nga pas me makinë nga autorët dhe më pas u ekzekutua. Policia e Vlorës ka rindërtuar dinamikën e vrasjes që tronditi qytetin bregdetar mbrëmjen e së shtunës, me viktimën i cili lëvizte me motor në momentin që u ekzekutua.

Dyshohet se 41-vjeçari ka shquar autorët teksa e ndiqnin me makinën tip ‘Audi’ dhe në tentativë për t’u larguar ata e kanë përplasur.

Megjithatë dhe pas kësaj viktima është përpjekur të largohet me vrap, duke përshkruar vetëm disa metra pasi vrasësit e qëlluan atë nga afër me gjashtë plumba pistolete.

Kamerat e sigurisë në zonë konsiderohen me tepër rëndësi për hetuesit të cilët shpresojnë se përmes tyre të bien në gjurmët e autorëve të cilët dyshohet se ishin 3 persona.

Për identifikimin e tyre në polici janë shoqëruar dhjetëra persona, por deri tani grupi hetimor nuk ka ende asnjë të dyshuar.

Dy janë pistat e hetimit që po verifikohen nga prokuroria dhe policia.

Konkretisht ajo e hakmarrjes, si dhe ndonjë konflikti të mundshëm të kohëve të fundit ku viktima mund të ketë qenë i përfshirë.

41-vjeçari, Laert Keka i njohur dhe si Leartiad Lekaj nuk është një emër i panjohur për policinë. Vite më parë ai ka qenë i dënuar për grabitje me pasojë vdekjen në Vlorë, ndërsa gjithashtu rezulton lidhje e ngushtë shoqërore me disa personazheve me rekorde kriminale në këtë qytet.


Në përputhje me standarded JTI

Video

SHIKO KANALIN NE YOUTUBE
×