ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

VIDEO/ Me shotgun në shpinë, ja si ruante parcelën e kanabisit 51-vjeçari në Malësinë e Madhe!

8 July 2023, 10:28Aktualitet SHKRUAR NGA REDAKSIA VOX
VIDEO/ Me shotgun në shpinë, ja si ruante parcelën e kanabisit
51-vjeçarI

Në këtë video shihet se si një 51-vjeçar ruan i aramtosur parcelën me kanabis në Malësi të Madhe, ku bashkë me dy persona të tjerë kishin kultivuar 161 rrënjë kanabis.

Me armë në shpinë, Lek Kokaj është filmuar nga pajisjet inteligjente të policisë teksa ruante parcelën, apo ujiste bimët narkotike.

Ai është shpallur në kërkim, ndërsa në pranga kanë rënë edhe bashkëpunëtorët e tij Gjergj Dragani, Florjan Gjerkaj dhe Luli Gjerkaj. Ky i fundit është arrestuar për ‘Moskallëzim Krimi’.

Njoftimi i plotë

Vijojnë operacionet e njëpasnjëshme për parandalimin, evidentimin dhe goditjen e rasteve të kultivimit të bimëve narkotike. 

Operacioni policor i koduar “ZOOM”, i zhvilluar me metoda proaktive nga Komisariati i Policisë Malësi e Madhe, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Shkodër. 

Ruante parcelën i armatosur dhe u filmua nga pajisjet inteligjente duke vaditur bimët narkotike, identifikohet dhe shpallet në kërkim 51-vjeçari.

Gjatë operacionit u vunë në pranga 3 shtetas, për kultivim të bimëve narkotike, kryer në bashkëpunim, për përkrahje të autorit të krimit dhe për moskallëzim krimi.  

Asgjësohen 161 bimë të dyshuara narkotike cannabis sativa. 

Vijon puna intensive për kapjen e 51-vjeçarit të shpallur në kërkim.

Shërbimet e Komisariatit të Policisë Malësi e Madhe, në vijim të kontrollit të territorit dhe të megaoperacionit “Alpe të Pastra”, me qëllim parandalimin, evidentimin dhe goditjen e rasteve të kutivimit të bimëve narkotike, bazuar në informacionet e siguruara nga inteligjenca policore, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Shkodër, kanë zhvilluar operacionin policor me metoda proaktive, të koduar “ZOOM”. 
 
Gjatë operacionit të zhvilluar në fshatin Ivanaj, njësia administrative Kastrat, bashkia Malësi e Madhe, u kapën dhe u vunë në pranga shtetasit:

Gj. D., 51 vjeç, për veprën penale “Kultivimi i bimëve narkotike”, kryer në bashkëpunim; 

F. Gj., 35 vjeç, për veprat penale “Kultivimi i bimëve narkotike”, kryer në bashkëpunim, dhe “Përkrahja e autorit të krimit; 

L. Gj., 70 vjeç, për veprën penale “Moskallëzimi i krimit”. 

Gjithashtu, u shpall në kërkim shtetasi L. K., 51 vjeç, për veprat penale “Kultivimi i bimëve narkotike”, kryer në bashkëpunim dhe “Prodhimi dhe mbajtja pa leje e armëve luftarake dhe municionit”. 

Bazuar në informacionet e siguruara se në territorin e fshatit Ivan, në një zonë të pyllëzuar, ishin kultivuar bimë narkotike, Policia referoi materialet në Prokurori, e cila regjistroi procedimin penal. 

Në kuadër të këtij procedimi penal, u siguruan prova nëpërmjet pajisjeve inteligjente, ku shfaqej shtetasi L. K. (tashmë i shpallur në kërkim), i cili ruante një parcelë ku ishin kultivuar 161 bimë narkotike kanabis dhe vadiste bimët narkotike, në bashkëpunim me shtetasit Gj. D. dhe F. Gj. 

Shtetasi L. Gj. kishte djeni për rastin dhe nuk ka kallëzuar krimin, pasi në pronën e tij  kalonte tubi i ujit që përdornin shtetasit e lartpërmendur, për të vaditur bimët narkotike.

Materialet do t’i kalojnë Prokurorisë, për veprime të mëtejshme, ndërkohë që vijon puna kërkimore për kapjen e shtetasit të shpallur në kërkim.


Në përputhje me standarded JTI

Video

SHIKO KANALIN NE YOUTUBE
×