ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Urë e re miqësie, Bashkia e Mirditës binjakëzohet me bashkinë e Pezinokut të Sllovakisë

21 September 2025, 09:51Aktualitet SHKRUAR NGA REDAKSIA VOX
Urë e re miqësie, Bashkia e Mirditës binjakëzohet me
Foto nga ceremonia e binjakëzimit

Në Pezinok të Sllovakisë u zhvillua ceremonia zyrtare e nënshkrimit të Memorandumit të binjakëzimit ndërmjet Bashkisë së Mirditës dhe asaj të distriktit Pezinok. Marrëveshja u firmos nga kryetarët e bashkive përkatëse, z. Albert Mëlyshi dhe z. Roman Mács, në prani të personaliteteve të larta diplomatike.

Të pranishëm në këtë ceremoni ishin Ambasadori i Shqipërisë në Bratislavë, z. Arten Hanku, Ambasadori i Sllovakisë në Tiranë, z. Albin Otruba, si dhe Presidenti i Rajonit të Bratislavës, z. Juraj Droba.

Ky binjakëzim, i mbështetur nga ambasadat respektive, synon forcimin e bashkëpunimit mes dy bashkive në fusha me interes të përbashkët, si zhvillimi prodhues, arsimi, kultura dhe ruajtja e traditave folklorike. Gjithashtu, marrëveshja do të shërbejë si një urë e re miqësie dhe bashkëpunimi ndërmjet popullit shqiptar dhe atij sllovak.

Ky hap i rëndësishëm pritet të hapë rrugën për projekte konkrete që do të afrojë më shumë komunitetet e Mirditës dhe Pezinokut.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×