ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Sazani ende në flakë, Peleshi: Janë izoluar vatrat më të rrezikshme

6 June 2022, 08:17Aktualitet SHKRUAR NGA REDAKSIA VOX

Sazani ende në flakë, Peleshi: Janë izoluar vatrat më

Ishulli i Sazanit ende vazhdon të digjet nga flakët. Prej 24 orësh, flakë të fuqishme kanë përfshirë territorin.

Mbi 80 efektivë të ushtrisë, zjarrfikësve dhe zonave të mbrojtura kanë punuar intensivisht për shuarjen e zjarrit por nuk kanë arritur dot ta vendosin në kontroll ende.

Ministri Peleshi deklaroi se vatrat kryesore janë vënë nën kontroll.

Postimi i Peleshit:

Në këto momente duket se janë izoluar disa nga vatrat më të rrezikshme të zjarrit në Sazan. Trupat e Forcave të Armatosura po punojnë me përkushtim në kushtet kur ndërhyrja në vatrat e mbetura është e vështirë për shkak të relievit dhe të natës.

Sakrifica dhe profesionalizmi i Forcave te Armatosura meriton mirënjohje.

I vlerësoj të gjitha shqetësimet dhe mendimet e shprehura pa teklif, por ne mbështetemi tek ekspertët e fushës që vlerësojnë se teknika më efikase në rastin e zjarrit në ishullin e Sazanin është izolimi i vatrave duke krijuar breza të shpyllëzuar rreth vatrës.

Me të gjithë partnerët tanë dhe Mekanizmin Europian të Mbrojtjes Civile kemi ndërtuar marrëdhënie për të aktivizuar mbështetjen me mjete ajrore shtesë, gjatë stinës së verës, pa humbur kohë nëse do të çmohet e nevojshme nga ekspertët. 

Sigurisht prioritet ka mbrojtja e jetës së banorëve dhe më pas e florës e faunës si edhe trashëgimia jonë natyrore e historike.

Fatkeqësisht edhe kjo verë do të jetë shumë e nxehtë . Ne do të jemi përkrah bashkive për të mbështetur përballimin e emergjencave të mundshme. Por kemi nevojë edhe për vullnetarizëm dhe angazhim nga të gjithë për të përballuar së bashku situatat e emergjencave, në vend që t’i ndezim akoma më shumë nga tastiera.


Në përputhje me standarded JTI

Video

SHIKO KANALIN NE YOUTUBE
×