KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Po hante iftar në një lokal pranë Urës së Gjoles, arrestohet Ramazan Rraja

19 April 2023, 21:04Aktualitet SHKRUAR NGA REDAKSIA VOX
 
Po hante iftar në një lokal pranë Urës së Gjoles,
Ramazan Rraja, nipi i deputetit socialist Rrahman Rraja

Është arrestuar mbrëmjen e kësaj të mërkure Ramazan Rraja, nipi i deputetit socialist Rrahman Rraja.

Mësohet se Ramaza Rraja është kapur në një lokal pranë Urës së Gjoles, në krahun e majtë të rrugës nacionale Vorë - Fushë Krujë, teksa ka qenë duke ngrënë iftar bashkë me disa besimtarë të tjerë myslimanë. Burime bëjnë me dije se ai nuk ka bërë rezistencë ndaj forcave speciale.

Ramazan Rraja ka qenë në Dubai, ndërsa përmes informacioneve të siguruara nga SPAK është arritur të lokalizohet. Rraja është mësuar që ka mbërritur në Shqipëri dhe është mbajtur nën vëzhgim e më pas është vënë në pranga. Mësohet se me vete, Rrajës i është gjetur dhe një armë zjarri pistoletë.

Ramazan Rraja ishte shpallur në kërkim nga SPAK ku akozhej si i përfshirë në atentatin e ndodhur ndaj ish-prokurorit Arjan Ndoja dhe Aleksandër Lahos, i njohur si Rrumi i Shijakut, ngjarje ku humbi jetën shoferi Andi Maloku.

Gjithashtu, në muajin shkurt, Ramazan Rraja u dënua me 12 vite burg nga drejtësia belge, ku akuzohej si pjesë e një grupi kriminal shqiptaro-letonez, me rrezikshmëri të lartë, që nxirrte fitime të mëdha nga kontrabanda dhe trafikimi i kokainës.

Ramazan Rraja është një emër i njohur i botës së krimit, ku është aluduar si i përfshirë në shumë ngjarje kriminale.


Në përputhje me standarded JTI

Video

SHIKO KANALIN NE YOUTUBE
×