ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Pas sulmeve të Iranit, MEK në Manzë kalon në regjim izolimi

25 September 2022, 12:55Aktualitet SHKRUAR NGA REDAKSIA VOX

Pas sulmeve të Iranit, MEK në Manzë kalon në regjim izolimi

Që prej ardhjes së muxhahdinëve iranianë në vendin tonë marrëdhëniet mes Iranit dhe Shqipërisë nuk kanë qenë nga më të mirat.

Strehimi i tyre në Shqipëri ishte kthyer në një pengesë për regjimin e Iranit, i cili kishte planifikuar vrasjen e disidentëve në Irak.

Kështu vendi ynë u kthye në një nga objektivat kryesorë të regjimit dhe hakmarrja nuk vonoi.

Vetëm pak javë më parë hakerat iranianë sulmuan faqet qeveritare shqiptare gjë që e çoi marrëdhënien diplomatike mes dy vendeve nga “ftohja” në “ngrirje”.

Qeveria vendosi ndërprerjen e menjëhershme të marrëdhënieve diplomatike mes dy vendeve, si dhe dëbimin e të gjithë stafit të ambasadës iraniane nga vendi ynë.

Që atëherë anëtarët e MEK në Manzë kanë kaluar në regjim izolimi. Mësohet se kjo është një masë e marrë nga vetë muxhahedinët të cilët, i druhen një sulmi nga qeveria e Iranit.

Kujtojmë se në muajin korrik, me rekomandim të Ambasadës së Shteteve të Bashkuara të Amerikës në Tiranë dhe qeverisë shqiptare për shkak të rrezikut të një kërcënimi të mundshëm, u shty me një afat të pacaktuar samiti botëror i Iranit të Lirë që do të zhvillohej në Manzë të Durrësit.

Pas sulmeve të Iranit, MEK në Manzë kalon në regjim izolimi

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

 


Në përputhje me standarded JTI

Video

SHIKO KANALIN NE YOUTUBE
×