ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Largimet masive nga ABC, Xhafo tregon prapaskenat: Gjithçka ndryshoi brenda një fundjave, nuk u mbajt premtimi

11 January 2023, 20:33Aktualitet SHKRUAR NGA REDAKSIA VOX
Largimet masive nga ABC, Xhafo tregon prapaskenat: Gjithçka ndryshoi
Endri Xhafo

Gazetari Endri Xhafo pas largimit nga televizioni ABC, ka treguasr se çfarë ndodhi me ndryshimet në këtë TV pas blerjes nga biznesmeni i njohur nga Kosova.

Ai deklaron se iu ndërpre kontrata në mes, ndryshe nga garancitë që i ishin dhënë Bordit kur kishte shkuar në Kosovë. Sipas tij, të gjitha urdhrat për ndryshim kanë ndodhur në një fundjavë.

Sipas tij, fillimisht ishte premtuar për linjë editoriale të ekuilibruar, programet që ishin do vazhdonin dhe do rihapeshin programit që nuk kishin filluar në fillim të sezonit, por më pas gjithçka ndryshoi 180 gradë.

“U dhanë në fillim garanci. Ka qenë një udhëtim në Kosovë në të cilën duhet të isha edhe unë, por atë ditë kisha doktor Berishën në emision dhe nuk mund ta regjistroja, ishte live. Në atë udhëtim kanë marrë pjesë Idaver Sherifi administrator i ABC, Sonila Ago, Andi Tela dhe Enkel Demi. Andi Tela, Idaveri dhe Enkel Demi ishin anëtarë të bordit të ABC ku për shumë kohë ka qenë edhe Alban Jaho dhe pronari Klodjan Allajbeu. Shkuan në Kosovë, pasi kishte mbaruar kontrata dhe atje u dha garanci. Cilat ishin garancitë? Garancitë ishin që do të vazhdohej me të njëjtët njerëz, përfshirë edhe administratorin i cili firmos letrat, firmos paratë, por me ndërrimin e pronarit u dha garanci që do të vazhdohet me këta njerëz. Do të vazhdohet me një linjë editoriale të ekuilibruar si dhe do të vazhdohet me programacionin. Madje, edhe emisionet që nuk ishin hapur si Kutia 21 e Enkel Demit me Edi Ogën, apo Kosherja do të rihapeshin. Log mund të kalonte 3-4 herë në javë sikurse ishte menduar. Gjithçka ka ndryshuar brenda një fundjave. Kemi të gjithë një ide të asaj që mund të ketë ndodhur. Brenda një fundjave është larguar administratori Idaver Sherifi i cili nuk do të pranonte një largim masiv të njerëzve“, tha Xhafo në A Show me Adi Krastën

Ai përmendi gazetarët dhe drejtuesit e larguar nga ABC si: Idaver Sherifi, Endri Xhafo, Andi Tela, Emirjon Senja, Sonila Aga drejtoreshë e burimeve njerëzore dhe anëtare e bordit mbikëqyrës, Luljeta Progni autore e emisionit Vetting, si dhe emisioni Piranjat si produksion i jashtëm

Endri Xhafo ka drejtuar prej një kohe të gjatë emisionin politik Log në ABC. 


Në përputhje me standarded JTI

Video

SHIKO KANALIN NE YOUTUBE
×