KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Gjykata e Janinës jep "OK" për ekstradimin e Laert Haxhiut!

18 October 2023, 14:45Aktualitet SHKRUAR NGA REDAKSIA VOX
Gjykata e Janinës jep "OK" për ekstradimin e Laert Haxhiut!
Laert Haxhiu

Ministria e Brendshme, ka konfirmuar se Gjykata e Apelit  të Janinës ka dhënë vendim pozitiv për ekstradimin e Laert Haxhiut, shkruan tch.

“Për ekstradimin e Haxhiut, Gjykata e Shkallës së Dytë të Janinës propozoi pozitivisht. Por Haxhiu ka të drejtë, sipas legjislacionit grek, të kërkojë shqyrtimin e ekstradimit të tij nga Gjykata e Lartë.”

Laert Haxhiu ndodhet aktualisht i burgosur në Janinë për veprat penale largim nga vendi i aksidentit dhe prishje e qetësisë publike.

Kërkesa e autoriteteve shqiptare për ekstradimin e tij në Gusht u rrëzua nga Gjykata e Janinës.

Laert Haxhiu nga Lushnja është dënuar me 18 vite nga Gjykata e Lartë teksa vijon procesi në GJKKO për “Masakrën e Lushnjës” që e përfshin Haxhiun në ngjarje.

Gjithashtu ai u shpall në kërkim nga Prokuroria e Elbasanit edhe në kuadër të operacionit “Never Forget” pas dëshmisë së Artan Tafanit, bashkëpunëtor i drejtësisë, ku ai del autor apo organizator i disa vrasjeve.

Haxhiu gjithashtu kishte planifikuar të eleminonte edhe prokuroren e posaçme Doloreza Musabelliu, sipas dëshmisë së Tafanit.

Pas kësaj, drejtuesi i SPAK, Altin Dumani iu drejtua Policisë së Shtetit me një shkresë ku i kërkonte marrjen në mbrojtje të prokurores.

Laert Haxhiu dhe grupi i tij kërkonte vrasjen e saj për shkak se kishte hetuar dy miqtë e tij, Orges Bilibli dhe Anterio Kaloshi, dhe vetë atë për masakrën e vitit 2017 në Lushnjë.


Në përputhje me standarded JTI

Video

SHIKO KANALIN NE YOUTUBE
×