ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

I rrethuar nga dhjetëra efektivë, Ilir Meta mbërrin në Çepan për t’i dhënë lamtumirën e fundit të atit (VIDEO)

2 June 2026, 11:52Aktualitet SHKRUAR NGA REDAKSIA VOX
I rrethuar nga dhjetëra efektivë, Ilir Meta mbërrin në
Ilir Meta në Çepan

Presidenti i Partisë së Lirisë, Ilir Meta, ka mbërritur në fshatin e tij të lindjes, në Çepan të Skraparit, për t’i dhënë lamtumirën e fundit babait të tij, Rexhep Meta.

Këto janë momentet kur furgoni i Drejtorisë së Burgjeve me Metën brenda mbërrin në fshatin Çepan të Skraparit, aty ku po zhvillohet ceremonia mortore.

Ilir Meta ka përfituar leje të posaçme nga Struktura e Posaçme kundër Korrupsionit dhe Krimit të Organizuar, për të marrë pjesë në ceremoninë mortore dhe në pritjen e ngushëllimeve të organizuara nga familjarët. Pas afro dy vitesh në paraburgim, kjo është hera e parë që ai del jashtë ambienteve të qelisë, përveç paraqitjeve në seancat gjyqësore.

I rrethuar nga dhjetëra efektivë, Ilir Meta mbërrin në

Ish-presidenti është shoqëruar nga forcat e Drejtorisë së Burgjeve gjatë lëvizjes së tij drejt Çepanit, ndërsa leja e miratuar parashikon pjesëmarrjen e tij në ceremoninë e varrimit dhe në drekën e organizuar më pas.

Sipas burimeve, pas përfundimit të ceremonive, Meta pritet të rikthehet në ambientet e paraburgimit në përputhje me kushtet e lejes së dhënë. Gjithashtu, është parashikuar që ai të dalë sërish të nesërmen për disa orë, për të marrë pjesë në pritjet e ngushëllimeve që do të zhvillohen në Tiranë.

Rexhep Meta ndërroi jetë një ditë më parë në moshën 83-vjeçare. Miq, familjarë  janë mbledhur këtë të martë në Skrapar për t’i dhënë lamtumirën e fundit babait të ish-presidentit Meta i cili prej tetorit të vitit 2024 është duke qëndruar në qeli.


Në përputhje me standarded JTI

Video

SHIKO KANALIN NE YOUTUBE
×