ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Çështja ‘Balluku’, PD kërkon mbledhjen e Këshillit për Imunitetet të martën

5 January 2026, 20:34Aktualitet SHKRUAR NGA REDAKSIA VOX
Çështja ‘Balluku’, PD kërkon mbledhjen e
Belinda Balluku

Partia Demokratike, përmes një kërkese, ka kërkuar që ditën e martë, 6 janar 2026 në orën 11.00, të zhvillohet mbledhja e Këshillit të Imuniteteve dhe Mandateve, që t’i hapet rrugë arrestimit të zv.kryeministres dhe ministres së Infrastrukturës dhe Energjisë, Belinda Balluku.

Mësohet se deputetët demokratët do të paraqiten nesër në kryesinë e Kuvendit, por mazhoranca do të refuzojë të paraqitet.

Kjo është hera e katërt që demokratët e këtij këshilli kërkojnë heqjen e imunitetit për Ballukun.

Kujtojmë se mbledhja e 19 dhjetorit 2025, pas 5 orësh debat, u mbyll pa u rënë dakord për datën e mbledhjes së radhës, ku do të diskutohet për kërkesën për heqjen e imunitetit, pasi të gjithë anëtarët e këshillit dhe pala e akuzuar të jenë njohur me materialin voluminoz me prova dhe argumenta që janë depozituar nga prokurori i çështjes.

Avokati i Balluku, i pranishëm në mbledhje, kërkoi 3 javë kohë për t’u njohur me materialin e ardhur nga SPAK-u, dhe mazhoranca, me argumentin se mbrojtjes i duhet dhënë kohë për t’u përgatitur, por të pritet edhe vendimi i Gjykatës Kushtetuese për ankimimin e kryeministrit për konfliktin e kompetencave me strukturën e posaçme, vendosën që mbledhjet të mblidhen pas 22 janarit.

Hetimet ndaj Ballukut lidhen me disa procedura infrastrukturore. Ajo është e pandehur për shkelje në tenderin për Tunelin e Llogarasë dhe është nën hetim për shtatë lotet e Unazës së Madhe.

Këshilli i Mandateve dhe Imunitetit është organi parlamentar që shqyrton kërkesat e prokurorisë për heqjen e imunitetit të deputetëve dhe anëtarëve të qeverisë me mandat parlamentar.

Procedura përfshin dëgjesa, raportim dhe më pas votim në seancë plenare.


Në përputhje me standarded JTI

Video

SHIKO KANALIN NE YOUTUBE
×