ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Ekstradohet nga Kosova drejt Shqipërisë narkotrafikanti Gëzim Çela (PAMJET)

7 March 2024, 13:12Aktualitet SHKRUAR NGA REDAKSIA VOX
Ekstradohet nga Kosova drejt Shqipërisë narkotrafikanti Gëzim
Gëzim Çela

Është ekstraduar nga Kosova Gëzim Çela, i njohur si “baroni i drogës”. Ai akuzohet si kreu i një organizate kriminale për trafikimin e lëndëve narkotike, nga Shqipëria në Europë.

Gëzim Çela, u arrestua më 9 dhjetor 2023 në Ferizaj të Kosovës. Ai ishte shpallur në kërkim pasi iu godit grupi, teksa shkëmbente kokainë me heroinë në det në gusht 2023.

Policia ka shpërndarë edhe pamjet e ekstradimit të tij gjatë paradites së sotme nën masa të rrepta sigurie.

"Ekstradohet i shumëkërkuari G. Ç., i akuzuar si kreu i një organizate kriminale për trafikim të lëndëve narkotike.

Arrestimi në Ferizaj, Kosovë dhe ekstradimi i 56-vjeçarit, në Shqipëri, erdhi si rezultat i bashkëpunimit të ngushtë ndërmjet Interpol Tiranës, Policisë së Kosovës dhe ILECU-t.

Si rezultat i partneritetit të konkretizuar me shkëmbim intensiv informacionesh, nëpërmjet Interpol Tiranës, dhe me veprime operacionale të përbashkëta, mes Policisë së Shtetit dhe agjencive ligjzbatuese në Kosovë, paraditen e sotme, u bë i mundur ekstradimi në vendin tonë, i shtetasit të shumëkërkuar G. Ç., 56 vjeç, lindur në Fushë Kuqe, Kurbin.

Shtetasi i shpallur në kërkim ndërkombëtar, G. Ç. u arrestua më 08.12.2023, në Ferizaj, Kosovë, si rezultat i operacionit të përbashkët të koduar “Fundi i trishtë”, pasi Gjykata e Shkallës së Parë për Krimet e Rënda dhe Korrupsionin i ka caktuar masën e sigurisë “Arrest në burg”, për veprat penale “Trafikimi i narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”.

Ai akuzohet si kreu i një organizate kriminale për trafikimin e lëndëve narkotike, nga Shqipëria në Europë.

Policia e Shtetit do të vijojë intensivisht punën dhe operacionet e përbashkëta, me partnerët në të gjithë botën, për të lokalizuar, kapur dhe finalizuar ekstradimet e shtetasve të shpallur në kërkim ndërkombëtar", shkruan Policia.


Në përputhje me standarded JTI

Video

SHIKO KANALIN NE YOUTUBE
×