KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Detaje të reja nga arrestimi i Sokrat Vatës, në automjetin ku ishte fshehur vrasësi i turistit francez, ishte edhe një shtetas turk

18 August 2026, 11:10Aktualitet SHKRUAR NGA REDAKSIA VOX
Detaje të reja nga arrestimi i Sokrat Vatës, në automjetin ku
Sokrat Vata, momenti i arrestimit

Të tjera detaje janë zbardhur lidhur me arrestimin e Sokrat Vatës, i dyshuar për përfshirjen në vrasjen e 20-vjeçarit francez në Ksamil.

Sipas informacioneve të fundit, në automjetin ku u ndalua Vata, në momentin e arrestimit, drejtuesja ishte një shtetase e huaj, ndërsa në cilësinë e pasagjerit ndodhej një shtetas turk. Rrethanat e pranisë së dy shtetasve të huaj në automjet janë pjesë e hetimit.

Vata dyshohet se, përveçse punonte si roje plazhi në “Principotes”, ushtronte edhe detyrën e badigardit të hotelit. Roli i tij në strukturën e sigurisë së hotelit dhe lidhja me personat që ndodheshin në automjet po verifikohen nga autoritetet.

Ngjarja e rëndë tronditi mëngjesin e sotëm Ksamilin, ku rreth orës 05:15, një 20-vjeçar francez u gjet pa shenja jete në shezlongët e plazhit, përpara një lokali.

I riu, i identifikuar si Miguel Mendes, dyshohet se u godit me thikë pas një konflikti për motive të dobëta. Disa orë pas ngjarjes, policia arrestoi Sokrat Vatën, i cili dyshohet se është i përfshirë në krimin e rëndë.

Hetimet vijojnë për të zbardhur dinamikën e plotë të ngjarjes, motivin e konfliktit dhe rolin e personave të tjerë që mund të kenë dijeni apo lidhje me ngjarjen.


Në përputhje me standarded JTI

Video

SHIKO KANALIN NE YOUTUBE
×