ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Bukën nuk e hanë as qentë", shqiptari në burgun e Maqedonisë: Kushte skandaloze, flemë në tokë (Video)

25 June 2022, 16:47Aktualitet SHKRUAR NGA REDAKSIA VOX
"Bukën nuk e hanë as qentë", shqiptari në burgun e
Shqiptarët e dënuar me burgim në Maqedoninë e Veriu

Shqiptarët e dënuar me burgim në Maqedoninë e Veriut, në Burgun e Sigurisë së Lartë Idrizovë, denoncojnë kushtet e këqija në të cilat mbahen. Një i dënuar shqiptar nga Pogradeci, thotë se qelitë nuk kanë as kushtet minimale.

Ai ka dërguar pranë redaksisë sonë dhe një video që tregon se të burgosurit flenë në dysheme, pasi qelitë e ndara janë mbushur. “Një qeli që është për 3 vetë, qëndrojmë 9 dhe nuk mbushemi dot me frymë”, thotë ai. Por ky nuk është problemi i vetëm.


“Ligji e përmban se na takojnë disa ditë leje për të shkuar në shtëpi, për të takuar familjarët, nuk na e japin. Na takon dhe liria me kusht, edhe këtë nuk na e japin. Higjena është skandaloze. Ushqimi po ashtu, nuk e hanë as qentë e rrugëve”, shkruan i riu, duke dërguar dhe pamjet e një kartoni me bukë që u është dërguar në qeli.

Ai denoncon se në Burgun e Idrizovës janë në dijenin e tij 70 shqiptarë të Shqipërisë, por numri thekson se është më i lartë, nëse llogarit dhe ata të Kosovës e të Maqedonisë së Veriut. “Edhe spitali i burgut nuk ka mjekë, por të dënuarit mbahen me hape qetësuese.”


Denoncuesi thotë se vetë është dënuar me 6 vite burg për transportin e 40 kilogramëve drogë. “E kam bërë për të nxjerrë bukën e gojës. U detyrova nga e keqja, tani jam penduar por nuk më ekstradojnë në Shqipëri të vuajë dënimin në shtetin tonë”, vijon i burgosuri.

Të njëjtin “hall” thotë se e kanë dhe shqiptarët e tjerë, ndaj kërkon të vihen në lëvizje autoritetet shqiptare. “Ju lutemi, vini në dijeni shtetin shqiptar, kryeministrin, presidentin, të bëjnë diçka për fatin tonë”, thuhet në mesazhin që ai ka dërguar.

Video e marrë nga NewsBomb:

 


Në përputhje me standarded JTI

Video

SHIKO KANALIN NE YOUTUBE
×