ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Bllokimi i aksit Librazhd-Qafë Thanë prej 6 orësh/ Kreu i ARRSH-së: Mali është mbingopur nga uji!

1 February 2026, 17:52Aktualitet SHKRUAR NGA REDAKSIA VOX
Bllokimi i aksit Librazhd-Qafë Thanë prej 6 orësh/ Kreu i
Ami Kozeli

Një masiv i madh gurësh dhe dheu ka rrëshqitur nga mali duke bllokuar totalisht prej orës 11:00 aksin rrugor Librazhd–Qafë Thanë, në zonën e njohur si Kthesa e Dragostunjës.

Kreu i ARRSH-së, Ami Kozeli në një intervistë tha se ekipet po vijojnë punën për hapjen fillimisht të njërit aks pas rrëshqitjeve të dherave në aksin Librazhd-Qafë Thanë, paraditen e sotme.

Sipas Kozelit, shembja është një fenomen natyror, i shkaktuar nga mbingopja e malit me ujë, dhe nuk lidhet me punimet që po kryhen në këtë segment rrugor.

Ai theksoi se, pavarësisht se trasa e re kalon mbi malin ku ndodhi rrëshqitja dhe mjetet e rënda janë çdo ditë në terren, ndërhyrjet nuk kanë ndikuar në destabilizimin e masivit shkëmbor.

“Kemi konstatuar edhe me sy të lirë se mali është i mbingopur nga uji, çka ka sjellë shembjen e shpatit. Nuk ka asnjë lidhje me punimet që po kryhen në këtë segment,” deklaroi drejtori i ARRSH, duke iu përgjigjur shqetësimeve të ngritura nga qytetarët dhe mediat.

Kujtojmë se, rruga është mbyllur në të dyja drejtimet, duke bërë të pamundur qarkullimin e mjeteve dhe shkaktuar trafik kilometrik prej 10 kilometrash, në të dyja anët.

Bllokimi i rrugës ka prekur edhe një auto-ambulancë e cila po transportonte një grua të sëmurë, që po dërgohej drejt Spitalit të Elbasanit.

Situata ka detyruar transportimin e saj me barrelë për të kaluar përmes lumit nga ana tjetër e rrugës, që siç tregojnë pamjet është bllokuar plotësisht nga masive të mëdha shkëmborë. 


Në përputhje me standarded JTI

Video

SHIKO KANALIN NE YOUTUBE
×