ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

VIDEO/ Avokatja për përdhun*min e 26 vjeçares në Vlorë: Vajzat të përmbahen!

25 October 2023, 10:00Aktualitet SHKRUAR NGA REDAKSIA VOX
VIDEO/ Avokatja për përdhun*min e 26 vjeçares në
Vjollca Pustina

Dhunimi dhe përdhunimi i një 26-vjeçareje në Vlorë ka qenë lajmi që ka tronditur qytetin e Vlorës ditët e fundit.

Ka qenë gazetarja Afrovita Hysaj, e cila ka nxjerr detaje në lidhje me këtë ngjarje të rëndë, ku theksoi se të rënë e droguan dhe përdhunuan 4 persona dhe jo 3 sa u deklarua në fillim. 

"Përdhunimet mund të ndodhin rëndom ditë të premte ditë të shtune ndoshta edhe vajzat e tejkalojnë një çikë me pijen... Kam rastis katër herë ditëve të shtuna në urgjencën e spitalit, dhe vinin vajza të reja të shpërfytyruara. Të shoqëruara që i binin faktikisht 3-4 djem. Po edhe vajzat duhet të jenë një çikë më të kontrolluara kur futen nëpër lokale, nëpër disko nate. Se edhe meshkujt meshkuj janë…”-ka qenë kjo deklarata e avokates Vjollca Pustina në një emision televiziv ku në qendër të diskutimit ishte përdhunimi i ndodhur në Vlorë.

26-vjeçarja e cila u përdhunua nga 3 persona në dhomën e një hoteli ka tërhequr të tgjitha akuzat e saj ndaj abuzuesve duke deklaruar në polici se ka shkuar me të rinjtë me dëshirë.

Video e marrë nga Vizion Plus:

Ajo ka deklaruar në policinë e Vlorës, se s’ka asgjë për të thënë pasi ka shkuar me ta me dëshirë. “Unë shkova me dëshirën time, pavarësisht se gjërat rrodhën kështu…”-mësohet të ketë thënë vajza.

Njëri prej djemve është shpallur në kërkim për ngjarjen teksa dy të tjerët janë arrestuar dhe 2 të tjerë në kërkim. 

-Oltjan Tahirin, 31-vjeç, pronar i një restoranti në Vlorë. I martuar, baba i një vajze 3-muajshe.

-Albi Cenon, 28-vjeç.

-Gentjano Mehmeti, 32-vjeç, i shpallur në kërkim.

-Klevis Delia, personi i katërt i përfshirë në ngjarje.

Deklarata e Unionit të Gazetarëve:

Precedent i rëndë i kanalit 6+1 Vlora me emrin dhe imazhin e një gazetareje Tiranë më 24 Tetor 2023 Unioni i Gazetarëve Shqiptarë është tronditur nga publikimi i një raporti faqen e kanalit 6+1 Vlora me titull: " ..." Afrovita Hysaj mashtron qytetarët e Vlorës", i publikuar në datën 24 Tetor 2023, nga media vendore në onlinin e kësaj medieje.

Ky raport, përmes gjuhës dhe fjalorit që përmban, cënon rëndë kodet e etikës së gazetarisë, linçon publikisht një punonjëse të medias, përdhos komunikimin publik dhe detyrimin ndaj tij dhe shënon një precedent të rrallë në sulmin e një medieje ndaj një gazetareje vendore. Rasti në fjalë ka tronditur gjithë opinionin profesional dhe ka hapur diskutime të shumta mes entitetit tonë.

Unioni i Gazetarëve Shqiptarë e konsideron këtë një akt të rëndë. Për këtë arsye, kërkojmë me urgjencë që editori i kësaj medieje, administratori i tij, në mënyrë urgjente të tërheqë nga publikimi dhe faqet zyrtare të medias, këtë raport.

Në përputhje me kodet e etikës dhe rregullat e gazetarisë, të reflektojë menjëherë, pasi ky material në tekstin e vet përmban edhe vlerë antiligjore. Kërkesa jonë bazohet në respekt dhe mishërim të parimeve dhe normave të një gazetarie, si mision publik, në shërbim të publikut dhe jo si një "mjet privat që mund të presë dhe lëndojë qytetarë, e aq më tepër, persona të medias.

Ky rast meriton ndërhyrjen e menjëhershme të organizatave që merren me mbrojtjen e etikës, parimeve dhe normave të komunikimit publik dhe aq më tepër të raportimit me standart. Në mënyrën më urgjente i kërkojmë kësaj medieje të reagojë dhe të kërkojë ndjesë publike për rastin që shkaktoi.

Por mbrëmjen e sotme ka reaguar edhe policia, e cila ka njoftuar se 57-vjeçari është proceduar penalisht për veprën penale të 'Kanosjes'. Po ashtu në njoftimin e saj, policia bën me dije se janë 4 persona që kanë marrë pjesë në drogimin dhe përdhunimin e të resë. Deri më tani 3 prej tyre janë arrestuar, ndërkohë që një 36-vjeçar me iniciale V.K është shpallur në kërkim.

Njoftimi i Policisë:

Specialistët për Hetimin e Krimeve në Komisariatin e Policisë Vlorë kanë referuar materialet në Prokurori dhe u procedua në gjendje të lirë, për veprën penale “Kanosja”, shtetasi A. D., 57 vjeç, banues në Vlorë pasi: Shtetasja A. H., 34 vjeçe, banuese në Vlorë, me profesion gazetare, ka kallëzuar se është kanosur me fjalë nëpërmjet telefonit, nga ky shtetas, për shkak të një lajmi që ajo ka publikuar, lidhur me rastin e 26-vjeçares nga qyteti i Vlorës, e cila dyshohet se është nxitur të përdorte lëndë narkotike nga disa shtetas, 3 prej të cilëve më pas dyshohen se kanë kryer marrëdhënie seksuale me dhunë me të.

Gjithashtu në vijim të njoftimit të dhënë më datë 22.10.2023, për vënien në pranga të 2 shtetasve dhe shpalljen në kërkim të një shtetasi tjetër, të cilët dyshohen se në bashkëpunim me njëri-tjetrin, kanë kryer marrëdhënie seksuale me dhunë me një 26-vjeçare, të cilën paraprakisht e kanë nxitur të përdorë lëndë narkotike, sqarojmë se: Specialistët për Hetimin e Krimeve të Komisariatit të Policisë Vlorë, në drejtimin e Prokurorisë, kanë vijuar hetimet e thelluara për këtë rast. Në vijim, janë referuar materialet në Prokurori, për veprën penale “Nxitja për përdorimin e drogës”, edhe për shtetasin V. K., 36 vjeç, banues në Vlorë, dhe vijon puna për kapjen e tij.

Ky shtetas dyshohet se ka bashkëpunuar me shtetasit O. T., A. C. dhe G. M., për të nxitur 26-vjeçaren që të konsumojë lëndë narkotike. Materialet iu referuan Prokurorisë, për veprime të mëtejshme.

Pas kësaj ngjarje të rëndë, ka reaguar edhe Unioni i Gazetarëve që e ka dënuar kërcënimin e bërë ndaj gazetarës Hysaj. Po ashtu Unioni ka kërkuar nga Policia dhe AMA që të marrin masa ndaj këtij televizioni dhe pronarit të tij, i cili ka bërë kërcënimin. 


Në përputhje me standarded JTI

Video

SHIKO KANALIN NE YOUTUBE
×