ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Arrestohet ish-punonjësi i policisë në Lezhë, në kërkim kolegu i tij 'hajdut' në Itali

29 July 2023, 17:19Aktualitet SHKRUAR NGA REDAKSIA VOX
Arrestohet ish-punonjësi i policisë në Lezhë, në
Klisman Nikolli dhe drejtoria e policisë Lezhë

Pas një hetimi 2 vjeçar, nga AMP (Agjencia e Mbikqyrjes Policore) dhe prokuroria e Lezhës, gjykata ka caktuar masën e sigurisë ‘arrest me burg’ për dy ish-punonjës të policisë së komisariatit në Lezhë të cilët akuzohen për shpërdorim detyre, pasi dyshohet se kanë lejuar kultivimin e kanabisit.

Në kuadër të vendimit të gjykatës, policia ka arrestuar dhe vënë në pranga Serxhio Xhamallotin, 27-vjeç, me detyrë punonjës policie me detyrë Patrullë e Përgjithshme në Komisariatin e Policisë Lezhë si dhe ka shpallur në kërkim kolegun e tij, Klisman Nikolli, 28-vjeç, po ashtu ish-punonjës i policisë me detyrë Patrullë e Përgjithshme në Komisariatin e Policisë Lezhë. Që të dy ish-punonjësit e policisë janë larguar nga Policia e Shtetit që prej vitit të kaluar.

Klisman Nikolli nuk është një emër i panjohur për policinë, pasi në nëntor të vitit të kaluar u arrestua në Itali për vjedhje. Pas arrestimit në Itali, i riu u përjashtua nga radhët e Policisë së Shtetit

Po ashtu ‘Arrest me burg’ gjykata ka caktuar edhe për dy të rinj, Klajdi Lukën, 28-vjeç dhe Eduart Çarkun, 30-vjeç, të dy të dyshuar për kultivim të lëndëve narkotike. Policia ka arrestuar Klajdi Lukën, ndërsa në kërkim është shpallur Eduart Çarku.

Nga ana tjetër ministri i Brendshëm Taulant Balla e sheh si provë e asaj se policia ka bashkëpunuar duke favorizuar kultivuesit e kanabisit, dhe lufta për të prishur këtë nyje ka nisur sot dhe do të vijojë.

“Policia e Shtetit po godet për shkuljen deri në fund të kultivimit të paligjshëm nga mendjet e atyre që gënjejnë veten se meqë sot ka më pak kanabis se dje, ne do të flemë mbi dafina! Sot bashkë me rrënjët e paligjshme janë shkulur edhe dy oficerë policie në Drejtorinë Vendore të Policisë në Lezhë, të cilët ishin në ortakëri me trafikantët” deklaroi Balla


Në përputhje me standarded JTI

Video

SHIKO KANALIN NE YOUTUBE
×