ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Sali Berisha denoncon problematikat e projektit të bërë nga Qeveria e tij

9 August 2022, 20:12Politikë SHKRUAR NGA REDAKSIA VOX
Sali Berisha denoncon problematikat e projektit të bërë nga
Sali Berisha

Ish-kryeministri Sali Berisha ka denoncuar ditën e sotme përmes një inxhinieri dixhital problematikat e projektit të aksit rrugor Qukës-Qafë Plloçë të cilat po shtyjnë në përfundimin dhe inagurimin e këtij aksi rrugor.

Sipas denoncimit të Berishës, ka një disnivel 17 metër në pikën e lidhjes së dy loteve dhe për ta zgjidhur si problem, po zgjatet rruga me kthesa për të arritur në nivel. Sipas inxhinierit dixhital, kjo ndodh për shkak të supervizorit i cili fillimisht sipas tij ka qenë një italian dhe tani është zhdukur fare.

Por, Berisha me anë këtij postimi po denoncon problemet e projekti të miratuar nga Qeveria e tij. Ashtu siç e thekson edhe vetë Berisha në statusin e tij, projekti i kësaj rruge dhe fillimi i tij është bërë në një kohë kur ai ka qenë kryeministër i vendit.

Berisha thekson se ky është një verbim i syve nga vjedhja, pasi kjo rrugë 43 km u prokurua me 73 milionë euro, por ndër vite çmimi me vjedhje është pathuaj katërfishuar dhe ka arritur në 225 milionë euro dhe akoma nuk ka përfunduar.

Postimi i plotë:

Skandal me rrugën që humbi. Habia e madhe!

Në pikën që do bashkoheshin dy lotet, del një disnivel me lartësi 17m. Ky nuk është tunel, por verbim i syve nga vjedhja. Rruga prej 43 km Qukës- Qafë Plloçë, që filloi në vitin 2009, duhet të përfundonte në vitin 2014, por akoma nuk ka të sosur. Rruga u prokurua me 73 milionë euro por ndër vite çmimi me vjedhje është pathuaj katërfishuar dhe ka arritur në 225 milionë euro.

Lexoni mesazhin e teknikut dixhital. sb

Përshëndetje dr., jam inxhinier rrugesh, desha t’ju informoj se rruga Qukës- Plloçë është bllokuar për një problem të madh. Në pikën ku duhet të bashkoheshin dy lotet, u del një disnivel në lartësi prej 17 m. Nuk është problemi i projektit, por i zbatimit pa supervizor. Kishin një italian, por është zhdukur. Paaftësi, korrupsion i madh a tjetër, apo të gjitha bashkë?

Tashti për ta korrigjuar, mendojnë ta zgjasin rrugën kot me kthesa deri sa të barazojnë nivelet. Kjo, përveç shpenzimeve, ul shumë dhe cilësinë e rrugës e klasifikimin e saj. Në maj 2018, kur kryeministri Edi Rama inspektoi punimet e rrugës Qukës-Qafë Plloçë, tha se do të përfundojë në korrikun e 2019.

Përgjatë harkut kohor të këtyre viteve, njësoj si Shkumbini kur del nga shtrati, është fryrë edhe buxheti i saj. Aktualisht shuma e investimit ka arritur në 225.3 milionë dollarë. Goxha investim për asgjë!

Sali Berisha denoncon problematikat e projektit të bërë nga


Në përputhje me standarded JTI

Video

SHIKO KANALIN NE YOUTUBE
×