ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Petro Koçi “shpërthen” ndaj Zegjine Çaushit: Nuk është ky imazhi i PS-së!

23 June 2025, 10:36Politikë SHKRUAR NGA REDAKSIA VOX
Petro Koçi “shpërthen” ndaj Zegjine Çaushit: Nuk
Zegjine Çaushi/ Petro Koçi

Deputeti socialist në largim, Petro Koçi, ka komentuar për herë të parë publikisht stilin e disa prej deputetëve të rinj të Partisë Socialiste, të dalë nga zgjedhjet e 11 majit, duke i konsideruar disa sjellje të tyre si të papërshtatshme për imazhin e partisë.

I ftuar në A2, Koçi u ndal veçanërisht te rasti i Zegjine Çaushit në Qarkun e Fierit, e cila u bë virale në rrjetet sociale për videot thumbuese ndaj, Gazment Bardhit.

“Ajo ka bërë një gjë që është e ekzagjeruar dhe është një shpërdorim personaliteti në një përmasë që mendoj se nuk duhet të përsëritet më. Nuk është ky imazhi i PS-së. PS-ja është një parti serioze,” u shpreh Koçi.

Sipas tij, ndonëse rrjetet sociale kanë fituar shumë terren në komunikimin politik, mënyra se si përfaqësuesit publikë sillen në to nuk duhet të kompromentojë seriozitetin dhe imazhin e ekipit.

“Nuk mendoj se kjo duhet të jetë linja e fushatës së PS-së. Sot vendos shumë rrjeti social, padyshim, por duhen bërë gjërat më ndryshe,” tha ai.

I pyetur nëse të rinjtë që dolën nga zgjedhjet e fundit janë e ardhmja e PS-së, Koçi tha se kjo do të varet nga rruga që ndjekin dhe nga stërvitja politike që marrin.

“Si brez janë e ardhmja, por si persona do të varet. Disa prej tyre do të jenë vërtet talente sepse edhe do të stërviten dhe kaliten,” përfundoi ai.


Në përputhje me standarded JTI

Video

SHIKO KANALIN NE YOUTUBE
×