ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Ministrja e Jashtme finlandeze, vizitë dy-ditore në Shqipëri, Kosovë dhe Serbi

3 September 2024, 22:33Politikë SHKRUAR NGA REDAKSIA VOX
Ministrja e Jashtme finlandeze, vizitë dy-ditore në Shqipëri,
Ministrja e Jashtme Elina Valtonen

Ministrja e Jashtme finlandeze Elina Valtonen do të vizitojë Shqipërinë, Serbinë dhe Kosovën në datat 4 dhe 5 shtator për të përmirësuar lidhjet politike dhe tregtare të Finlandës me partnerët e saj në Ballkanin Perëndimor, teksa Finlanda mbështet ambiciet e vendeve të rajonit për t'u anëtarësuar në BE.

Ministrja e Jashtme Valtonen gjatë vizitës së saj do të zhvillojë takime me ministrat e jashtëm të Shqipërisë, Serbisë dhe Kosovës, si dhe me liderë politikë të këtyre vendeve. Diskutimet do të mbulojnë tema si marrëdhëniet dypalëshe, zgjerimi i BE-së, stabiliteti dhe siguria në Ballkanin Perëndimor, situata në Ukrainë dhe çështje aktuale që lidhen me Organizatën për Siguri dhe Bashkëpunim në Evropë (OSBE).

Në Serbi, ministrija finlandeze do të angazhohet me përfaqësues të kompanive aktive finlandeze në të gjithë Ballkanin Perëndimor.

“Finlanda mbështet fuqishëm rrugën e vendeve të Ballkanit Perëndimor drejt anëtarësimit në BE. Mirëqenia dhe stabiliteti i rajonit është shumë i rëndësishëm për të gjithë Evropën, përfshirë Finlandën”, tha ministrja Valtonen.

“Ne duhet të forcojmë bashkëpunimin me partnerët tanë më të afërt, veçanërisht duke pasur parasysh mjedisin aktual të sigurisë evropiane. BE-ja është tashmë partneri më i afërt i vendeve të Ballkanit Perëndimor. Edhe Finlanda po thellon angazhimin e saj me rajonin”, shtoi ministrja.


Në përputhje me standarded JTI

Video

SHIKO KANALIN NE YOUTUBE
×