KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Qeveria e re në RMV, takohen sot grupet e punës së VMRO dhe VLEN

13 May 2024, 11:28Kosova&Bota SHKRUAR NGA REDAKSIA VOX
Qeveria e re në RMV, takohen sot grupet e punës së VMRO dhe VLEN
Takohen sot grupet e punës së VMRO dhe VLEN

VMRO-DPMNE dhe koalicioni VLEN vijojnë këtë të hënë bisedimet në nivel të grupeve të punës për formimin e qeverisë së ardhshme në Maqedoninë e Veriut. Palët ranë dakord gjatë fundjavës për parimet e përgjithshme për bashkëpunim.

“Bashkëpunimi do të bazohet në tri shtylla: integrimet europiane, zhvillim i përshpejtuar ekonomik, lufta kundër krimit dhe korrupsionit dhe sundimi i drejtësisë. U konstatua se të dyja palët do të formojnë grupe pune ku do të vazhdojnë bisedimet deri në finalizimin e tyre”, informoi VMRO-DPMNE pas takimit që u mbajt të shtunën në shtabin e VLEN.

Në takim mori pjesë lideri i VMRO-DPMNE-së, Hristijan Mickoski me bashkëpartiakët dhe liderët e partisë nga partitë në koalicionin VLEN, Arben Taravari, Izet Mexhiti, Bilall Kasami dhe Afrim Gashi. Nga koalicioni VLEN pas takimit vlerësuan se bisedimet zhvillohen në drejtim pozitiv dhe të duhur.

Sipas rezultateve të para zyrtare për zgjedhjet parlamentare të cilat i publikoi KSHZ, Koalicioni Maqedonia e Juaj i kryesuar nga VMRO-DPMNE ka fituar më së shumti mandate të deputetëve, 58, pas çka vijojnë Koalicioni Fronti Evropian i kryesuar nga BDI me 19 mandate të deputetëve, Koalicioni për të Ardhme Evropiane i kryesuar nga LSDM, 18, Koalicioni VLEN, 13, ndërsa Lëvizja ZNAM për Maqedoninë tonë dhe E majta nga gjashtë mandate të deputetëve.

Për rezultatet në zgjedhje në KSHZ janë parashtruar 27 ankesa, nëntë nga Koalicioni VLEN, tetë nga VMRO-DPMNE, pesë nga LSDM dhe katër nga E majta. Kryetari i Komisionit Shtetëror të Zgjedhjeve, Aleksandar Dashtevski dje në mbledhje të KSHZ-së theksoi se bëhet fjalë për ankesa në grupe me më shumë vendvotime të përfshira. Nga Fronti Evropian i kryesuar nga BDI vlerësuan se janë parashtruar ankesa në KSHZ nga parti të tjera politike për parregullsi në vendvotime në njësitë zgjedhore 5 dhe 6 dhe po bëhet përpjekje që t’u meren dy mandate të deputetëve./KlanMacedonia


Në përputhje me standarded JTI

Video

SHIKO KANALIN NE YOUTUBE
×