ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Ç’po ndodh në Kinë? Flitet për grusht shteti dhe arrestim të Xi Jinping

27 September 2022, 00:10Kosova&Bota SHKRUAR NGA REDAKSIA VOX
Ç’po ndodh në Kinë? Flitet për grusht shteti dhe
Xi Jinping

Prej disa ditësh në mediat aziatike kanë qarkulluar thashethemet se në Kinë mund të jetë duke ndodhur një grusht shteti, ndërsa nuk kanë munguar as spekulimet se presidenti Xi Jinping është vënë nën arrest shtëpie.

Situata e pazakontë dhe plot mister vjen vetëm pak kohë para mbledhjes së zyrtarëve të lartë të Partisë Komuniste Kineze, kur Jinping pritet të marrë mandatin e tij të tretë, shkruan The Guardian.

Thashethemet shpërthyen menjëherë pasi Kina vendosi të burgosë një numër të madh zyrtarësh të lartë për korrupsion. Në rrjetet sociale dhe mediat aziatike u përhap lajmi se ushtria kishte realizuar grusht shteti, dhe se Jinping ndodhej në arrest shtëpie, megjithatë aludimet çuditërisht u zhdukën pas disa orësh.

Javën e kaluar, një gjykatë kineze burgosi ​​ish-zëvendësministrin e sigurisë publike Sun Lijun, ish-ministrin e drejtësisë Fu Zhenghua dhe ish-shefat e policisë së Shangait, Chongqing dhe Shanxi me akuza për korrupsion. Fu dhe shefat e policisë ishin akuzuar se ishin pjesë e një klike politike që rrethonte Sun dhe ishin të pabesë ndaj Xi.

Të dielën, media shtetërore njoftoi se lista e delegatëve të komitetit qendror të PKK, që numëronte pothuajse 2,300 persona ishte finalizuar. Përfshirja e Xi në listë hodhi poshtë më tej thashethemet e mediave sociale që kishin qarkulluar që nga e shtuna për një grusht shteti ushtarak. Pretendimet e pabaza – të shoqëruara me video pa burim të automjeteve ushtarake dhe të bazuara kryesisht në anulimet masive të fluturimeve – u hodhën poshtë, por jo përpara se të fillonin të bëheshin trend në Tëitter.

Drew Thompson, një studiues në Shkollën e Politikave Publike  Lee Kuan Yew tha se një grusht shteti në Kinë nuk ishte plotësisht i pamundshëm dhe Xi thuhet se kishte shfaqur shqetësim për perspektivën në të kaluarën. Por thashethemet dukej se e kishin origjinën në rrëfime të lidhura me lëvizjen Falun Gong, për të cilën Thompson tha se ishte “në thelb jo e besueshme”.

Thashethemet se Xi Jinping është arrestuar ka bazë sepse është një moment kaq i ndjeshëm politik në Kinë dhe gjyqet (dhe dënimet) e fundit të zyrtarëve të lartë me shërbim të gjatë krijojnë një atmosferë serre, tha ai në Twitter.


Në përputhje me standarded JTI

Video

SHIKO KANALIN NE YOUTUBE
×