KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Gjermania, thirrje BE-së për sanksione ndaj Iranit

9 October 2022, 22:11Kosova&Bota SHKRUAR NGA REDAKSIA VOX
Gjermania, thirrje BE-së për sanksione ndaj Iranit
Protesta në Iran

Konkretisht, Ministria e Jashtme Gjermane kërkon nga blloku vendim për t’u ndaluar hyrjen në vendet anëtare si dhe ngrirjen e pronave apo pasurive të përgjegjësve në Iran.
Protestat më të qëndrueshme ndër vite kundër teokracisë së Iranit kanë hyrë tashmë në javën e katërt të tyre. Ato nisën më 17 shtator, pas vdekjes së 22-vjeçares Mahsa Amini, një vajze kurde, e cila vdiq në paraburgim. E reja u arrestua nga e ashtuquajtura policia e moralit, nën dyshimet se kishte shkelur kodet e rrepta islame për veshjen e grave e vajzave.
Protestat janë përhapur tashmë në të gjithë vendin dhe po përballen me një goditje të ashpër, që sipas vlerësimeve ka shkaktuar dhjetëra të vrarë e qindra të arrestuar.
"Ata që rrahin gratë dhe vajzat në rrugë, e ndalojnë në mënyrë arbritrare ata që veçse kërkojnë të jetojnë të lirë duke i dënuar me vdekje, qëndrojnë në anën e gabuar të historisë", citohet të ketë thënë ministrja e Jashtme gjermane për gazetën 'Bild am Sonntag'.
“Ne do të bëjmë të mundur që BE-ja t'u ndalojë hyrjen atyre që janë përgjegjës për këtë shtypje brutale e të ngrijë pronat e tyre në BE”, shtoi ajo. "U themi njerëzve në Iran: Ne qëndrojmë dhe mbetemi pranë jush".
Por zonja Annalena Baerbock nuk përmendi ndonjë individ apo organizatë specifike që Gjermania kërkon të ndëshkohet përmes sanksionesh.


Në përputhje me standarded JTI

Video

SHIKO KANALIN NE YOUTUBE
×