ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Gazetari: Rrahja e protestuesve që s'paraqesin rrezik është krim, kjo po ngjall mllefin e verbër të njerëzve

19 October 2026, 20:21Aktualitet SHKRUAR NGA REDAKSIA VOX

Gazetari: Rrahja e protestuesve që s'paraqesin rrezik është

Gazetari i njohur Enver Robelli, ka komentuar rrahjet massive të Policisë ndaj protestuesve, edhe kur këta të fundit s’paraqesin asnjë rrezik.

“Rrahja e qytetarëve që janë nën kontroll të plotë të policisë dhe s'paraqesin më rrezik është krim. I ushtruar nga një hajdut i veshur me uniformë dhe i ndërsyer nga një qeveri e papërgjegjshme me një kryeministër që vetëm hakërrehet.

Kjo qasje vetëm ngjallë mllefin e verbër të njerëzve që besojnë se nuk kanë çfarë të humbasin - ndonëse jetën e kanë para tyre. I tillë është edhe ai mendjehumburi që kërcen mbi instalimin në nderim të veprës së Gjergj Fishtës.

Pushteti i keq e nxjerr në sipërfaqe edhe të keqen e shtresave shpresëhumbura. Sundimtarin që nuk e ndalin institucionet, një ditë e ndalin veprimet jashtëinstitucionale. Ose tentojnë ta ndalin.

Kërbaçi nuk e sjell paqen sociale. As guri. Por të dyja mund të keqpërdoren si mjete për nxitje tensionesh derisa të marrin drejtimin e punëve njerëz racionalë.

Në shoqëritë demokratike lëshon pe e kërkon zgjidhje ai që ka gjithë pushtetin në duar dhe është përgjegjës për mirëqenien e të gjithë qytetarëve, përfshirë edhe ata që hedhin gurë”, shkruan ai.


Në përputhje me standarded JTI

Video

SHIKO KANALIN NE YOUTUBE
×