ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

PAMJE/ U shua në lule të rinisë, përcillet në banesën e fundit vajza e ish-deputetit!

30 November 2023, 14:38Aktualitet SHKRUAR NGA REDAKSIA VOX
PAMJE/ U shua në lule të rinisë, përcillet në
Eva (Evanthia) Tavo

Vajza e ish-deputetit Vangjel Tavo, Eva (Evanthia) Tavo, e cila humbi jetën dy ditë më parë në aksidentin në Maqedoninë e Veriut, është përcjellë sot për në banesën e fundit. Në Jorgucat të Gjirokastrës me dhjetra njerëz u mblodhën për t’i dhënë lamtumirën 24-vjeçares të cilës iu pre jeta në mes mbrëmjen e së martës.

Eva Tavo, humbi jetën tragjikisht më 28 nëntor në një aksident automobilistik në Maqedoninë  e Veriut. 

E reja ishte pasagjere në një automjet tip ‘Audi’ që po udhëtonte në autostradën “Nënë Tereza” me drejtim nga Tetova për në Shkup.

PAMJE/ U shua në lule të rinisë, përcillet në

Më herët u raportua se makina e cila drejtohej nga 40-vjeçari me inicialet V.M doli nga rruga në fshatin Llaskarcë dhe si pasojë humbi jetën në vend e reja shqiptare, ndërsa shoferi mbeti i plagosur.

Kjo u konstatua nga mbërritja e ekipeve mjekësore, të cilët bënë me dije se 24 vjeçarja humbi jetën menjëherë nga plagët e marra.

“Me datë 28.11.2023 në ora 14:00 në SVR-Shkup është raportuar se në autostradën “Nënë Tereza” në drejtim nga Tetova për në Shkup, në zonën e fshatit Llaskarcë, automjeti “Audi” me targa shqiptare, i cili drejtohej nga shtetasi shqiptar V.M (40), ka dalë nga rruga. Nga plagët e marra në aksident pasagjerja E.T.(24) nga Republika e Shqipërisë ka ndërruar jetë në vend, ndërsa nga mjeku i Emergjencave Mjekësore ka konstatuar vdekjen. Shoferi i VM është lënduar rëndë”, thuhej në deklaratën e Ministrisë së Brendshme të Maqedonisë së Veriut.

Lajmin e trishtë për ndarjen nga jeta të 24-vjeçares e dha vetë ish-deputeti Vangjel Tavo. Përmes një postimi në rrjetet sociale Tavo dha lajmin e rëndë për vdekjen e së bijës.

“Këto janë fjalët më të vështira që shkruaj në jetën time. Vajza ime e madhe Eva u nda nga jeta në kulmin e rinisë, në moshën më të bukur, siç ishte edhe vetë ajo. Varrimi bëhet ditën e enjte, datë 30 nëntor, ora 11:00 në Jorgucat, Gjirokastër”, shkroi ai.

Disa vite më parë edhe nëna e Evës, Aristulla Xhumba, është ndarë nga jeta tragjikisht. Lidhur me vdekjen e 24-vjeçares në lule të rinisë reaguan dhe disa figura të njohura të showbizit shqiptar.

PAMJE/ U shua në lule të rinisë, përcillet në

Dy prej tyre kanë qenë Xhensila Myrtezaj dhe Alban Skënderaj të cilët e kanë përshkruar Evën si një vajza të dashur dhe të ëmbël.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×