ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Sulmi kibernetik ndaj serverave të Instat, AKCESK: Një grup ekspertësh po asiston në menaxhimin e situatës

1 February 2024, 15:35Aktualitet SHKRUAR NGA REDAKSIA VOX
Sulmi kibernetik ndaj serverave të Instat, AKCESK: Një grup
Foto ilustruese / Instat

Autoriteti Kombëtar për Certifikimin Elektronik dhe Sigurinë Kibernetike (AKCESK) ka reaguar pas sulmit të sotëm ndaj serverave të Institutit të Statistikave, sulm i kryer nga hakerat famëkeq të “Homeland Justice”.

AKCESK thotë se pas marrjes së njoftimit të sulmit ka ngritur një grup ekspertësh në bashkëpunim me Policinë e Shtetit për menaxhimin e sulmit kibrenetik.

Aktualisht faqja “online” e Instat është jashtë shërbimit, por mbetet e paqartë se sa i madh është dëmi që mund të jetë shkaktuar nga hakerat.

Instat nuk klasifikohet si bartës i informacionit të rëndësishëm, apo infrastukturë kritike, ndaj nuk është nën monitorimin dhe kontrollin e AKCESK.

Deklarata e plotë:

Ditën e sotme,  datë 01 Shkurt 2024, AKCESK është njoftuar për një sulm kibernetik të ndodhur tek INSTAT. Menjëherë pas njoftimit të marrë, AKCESK ngriti nje grup ekspertesh si dhe koordinoi punën me Policine e Shtetit për të asistuar nga afër institucionin në menaxhimin e sulmit kibernetik.

Sipas legjislacionit në fuqi, infrastrukturat e informacionit të zotëruara nga INSTAT, nuk janë aktualisht të klasifikuara si infrastrukturë kritike ose të rëndësishme të informacionit dhe nuk janë nën monitorimin dhe kontrollin e AKCESK. Këto infrastruktura janë të hostuara dhe menaxhohen në ambientet e këtij institucioni.

Aktualisht AKCESK në koordinim me ekipin përgjegjës të institucionit po punojnë për rimëkëmbjen e sistemeve të prekura, si dhe analizimin e taktikave, teknikave dhe procedurave të përdorura nga aktorët e sulmit.

Që në momentet e para të kësaj ngjarje, krahas punës pranë INSTAT, AKCESK i solli në vëmendje të gjithe infrastrukturave kritike dhe të rëndesishme të informacionit, marrjen e masave, duke ndarë  gjetjet e deritanishme të evidentuara nga gjurmët e sulmit të sotshëm, me qëllim parandalimin e sulmeve të ngjashme në infrastrukturat e tjera.


Në përputhje me standarded JTI

Video

SHIKO KANALIN NE YOUTUBE
×