ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Gener 2 në kundërshtim me ligjin, nisi punën pa leje ndërtimi", banorët e Bërxullës në protestë: Firmë hajdute dhe shtet hajdut!

6 November 2022, 11:36Aktualitet SHKRUAR NGA REDAKSIA VOX
"Gener 2 në kundërshtim me ligjin, nisi punën pa leje
Banorët në protestë

Ndryshe nga herët e tjera, protesta nga banorët e Bërxullës ka qenë edhe me përplasje me efektivët e policisë.

Ata thonë se kompania Gener2 që ka fituar projektin me koncesion për 35 vite, në kundërshtim me ligjin, ka nisur punën në terren pa pasur një leje ndërtimi.

Banorët pretendojnë se nuk kanë marrë asnjë njoftim lidhur me projektin, e as për shpronësimet.

Një banorë dëgjohet të ketë thënë: Do digjem me benzinë, mos më prek!

Duke u përplasur me policinë, banorët të revoltuar dëgjohen duke reaguar ashpër ndaj policëve.

“Nuk kemi  asnjë lloj kundërshtimi për projektin, por të paktën të marrim të drejtën tonë. Projekti është devijuar shumë herë. Mos e shisni veten për 50 mijë lekë o burrë i dheut. Mua nuk më kanë vënë në dijeni se ku kalon projekti. Asnjë dokument i protokolluar nuk ka ardhur”, tha njëri prej banorëve.

Ai shtoi se do të mbrojë të drejtën e vet pasi kanë punuar prej vitesh në kurbet dhe nuk mund të qëndrojë duarkryq para padrejtësive.

“Do të bëhet më madhe kjo, dihet ai muhabet. Duhet të mbrojmë të drejtën tonë, kam punuar 15 vjet në kurbet dhe të prishet për një orë”, shtojnë ata.

Kjo situatë u shoqërua me tensione dhe konfrontime fizike mes banorëve dhe Policisë. Kjo e fundit është vendosur aty për të penguar qytetarët, ndërsa iu kërkojnë të mos bllokojnë rrugën dhe punimet.

“Po na soset durimi. Hajdeni uluni me ne. Më vjen keq për ju, që ju përdorin në protesta të tilla. Pse e mbështesni një të paligjshëm”, theksoi një protestues tjetër.

E revoltuar një protestuese në Bërxullë i bëri thirrje shtetit të gjejnë zgjidhje për projektin e rrugës që prek shtëpitë e tyre.

‘Rruga që jemi këtu 9 milion e 20-0 është dhënë para 16 vjetësh. Kam 3 dynym tokë kam dhe 5 të tjera se di a do kem rrugë të hyj te ajo tokë.

Ne s’na ka ardhur askush të na pyesë, s’po dalim për qejf. Tani shkojnë propagandë shtëpi më shtëpi japin lekë juristët nën dorë. Firmë hajdute edhe shteti hajdut, bashkë me zv.kryeministren Balluku. Ku është shteti? Për ça mbahet shteti, vetëm për udhëtime jashtë shteti? Ne deri në ditë të fundit, shtëpinë time do e mbroj me gjak. Se lë protestën asnjë ditë. Policia mos të na dalë përpara, ne do rrimë në rrugë.’- tha protestuesja.


Në përputhje me standarded JTI

Video

SHIKO KANALIN NE YOUTUBE
×