ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Dënimi ish-krerëve të UÇK, Rama nga SHBA: Të refuzohet varrimi për së gjalli i atyre katër burrave!

21 September 2026, 19:30Aktualitet SHKRUAR NGA REDAKSIA VOX
Dënimi ish-krerëve të UÇK, Rama nga SHBA: Të
Edi Rama

Kryeministri Edi Rama, gjatë takimit me diasporën shqiptare në Miçigan, ka folur për vendimin e Gjykatës Speciale në Hagë për dënimin e katër ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi.

Rama tha se respektimi i vendimit të gjykatës nuk duhet të nënkuptojë pranimin e tij si një “fatalitet pa apel”.

Sipas tij, Shqipëria nuk mund të bëjë më shumë sesa t’i qëndrojë në krah Kosovës, ndërsa mënyra e reagimit ndaj vendimit duhet të përcaktohet nga institucionet e Kosovës.

“Mund të mos biesh fare dakord dhe mund të theresh me fjalë për të mbrojtur pozicionin tënd, por tjetër është ta bësh këtë me respekt për tjetrin dhe tjetër është të kapesh për fyti me tjetrin. Kjo e demokracisë është një rrugë shumë më e gjatë sesa ne kishim imagjinuar në krye të herës. Sepse nuk mjafton të jesh i lirë për të pasur një demokraci që funksionon për të gjithë. Si rrallëherë jam përpëlitur si këtë herë për të rreshtuar fjalët e një fjalimi, sepse nuk kisha si e shmangia atë që ndodhi në Hagë para disa ditësh, por nuk gjeja edhe rrugën sesi t’i qasesha atij guri të madh të rëndë, për të cilin fjalët duken të kota si në një mort. Një mort për së gjalli në këtë rast, një varrosje njerëzish të gjallë dhe një pafuqi kombëtare përballë një marreje ndërkombëtare.

Ka një fjalë që na e përsërisin shpesh: respektoni vendimin e gjykatës. Problemi në këtë rast s’është të mos e respektosh vendimin e gjykatës, por si ta refuzosh për së gjalli varrosjen për së gjalli të katër njerëzve, në emër të popullit, kur vetë populli s’e gjen asgjëkundi veten në atë vendim, të dhënë jo vetëm në gjuhë të huaj, por edhe në një tëhuajësim të vetë drejtësisë.

 

 

Shqipëria në këtë mes s’mund të bëjë asgjë më shumë përveçse t’i rrijë në krah Kosovës, për sidoqoftë të zgjedhurit e popullit të saj do të zgjedhin ta refuzojnë varrosjen për së gjalli të atyre katër burrave. Unë besoj se respektimi i detyruar dhe i padiskutueshëm i atij vendimi të gjykatës, s’e pengon refuzimin e asaj varrosjeje, si një fatalitet pa apel”.

Deklarata e Ramës vjen pesë ditë pas shpalljes së aktgjykimit të shkallës së parë. Thaçi dhe Krasniqi u dënuan me nga 25 vjet burgim, Veseli me 18 vjet dhe Selimi me 13 vjet. Mbrojtja ka paralajmëruar apelimin e vendimit.


Në përputhje me standarded JTI

Video

SHIKO KANALIN NE YOUTUBE
×