ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kurti kërkon zbatim të menjëhershëm dhe të plotë të marrëveshjes së Ohrit me Serbinë

16 April 2023, 14:34Kosova&Bota SHKRUAR NGA REDAKSIA VOX
Kurti kërkon zbatim të menjëhershëm dhe të plotë
Liderët në takimin e Ohrit

Kryeministri i Kosovës, Albin Kurti, ka kërkuar zbatim të plotë dhe të menjëhershëm të marrëveshjes së arritur në më 18 mars në Ohër me Serbinë.

Kurti përmes një shkrimi në rrjetin social “Twitter” ka përmendur marrëveshjen duke thënë se ajo për të cilën është rënë dakord duhet të zbatohet plotësisht dhe menjëherë.

Kryeministri Kurti ka thënë se nuk duhet të ketë zbatim të pjesshëm, duke përmendur se kishin harxhuar dy vjet në negociata për marrëveshjen.

“Më 18 mars në Ohër/Ohrid, Josep Borrell njoftoi zyrtarisht marrëveshjen. Ajo për të cilën është rënë dakord tani duhet të zbatohet – plotësisht dhe menjëherë. Asnjë zbatim i pjesshëm, pa vonesa”- ka shkruar Kurti.

Gati një muaj pas, ka pasur vetëm një takim mes kryenegociatorëve ku është diskutuar për zbatimin e marrëveshjes.

Ndërkohë është paralajmëruar edhe një takim i radhës Kurti-Vuçiç, mirëpo deri më tani nuk ka ndonjë datë se kur mund të mbahet.

 


Në përputhje me standarded JTI

Video

SHIKO KANALIN NE YOUTUBE
×