KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Zbulohet mashtrimi në emër të Ambasadës së SHBA në Tiranë, reagon selia diplomatike: Po bashkëpunojmë me policinë

6 June 2024, 15:40Aktualitet SHKRUAR NGA REDAKSIA VOX
Zbulohet mashtrimi në emër të Ambasadës së SHBA në
Faqja mashtruese në Instagram

Një skemë mashtrimi në emër të Ambasadës Amerikane në Tiranë është zbuluar së fundmi, çka ka sjellë edhe reagimin e selisë diplomatike në Tiranë.

Mesa duket, bëhet fjalë për një projekt të rremë që është përhapur në rrjetet sociale dhe Instagram, që pretendon se ka lidhje me Ambasadën e SHBA në Tiranë dhe Departamentin Amerikan të Shtetit.

Sipas një monitorimi që kemi kryer në rrjetet sociale, faqja me emrin “lttaus al”, pretendon se organizon short për zgjedhjen e studentëve që të studiojnë në SHBA, por në të vërtetë është mashtrim.

Është e paqartë nëse poseduesit e kësaj faqeje kërkojnë shuma monetare ndaj qytetarëve për të marrë pjesë në këtë “short”.

Ajo që bie në sy është se disa prej organizatorëve të kësaj skeme shfaqin publikisht identitetin e tyre, ndonëse janë në shkelje të hapur të ligjit.

Reagimi i ambasadës së SHBA në Tiranë:

Ambasada e SHBA është në dijeni të një të ashtuquajturi projekt të njohur si “Let’s Talk Together About US24.” Ky grup nuk ka asnjë lidhje me Ambasadën e SHBA, Departamentin e Shtetit të SHBA, Departamentin e Arsimit të SHBA, programet tona arsimore ose personelin e ambasadës. Shërbimi i Sigurisë Diplomatike i Departamentit të Shtetit të SHBA do të vazhdojë të punojë me Policinë e Shtetit teksa ajo heton përmasat e kësaj skeme mashtruese.

U bëjmë thirrje të gjithë shqiptarëve të jenë të kujdesshëm ndaj mashtrimeve që garantojnë udhëtime falas në Shtetet e Bashkuara, si dhe viza amerikane pa pagesë ose me kosto të ulët. Gjithashtu, i bëjmë thirrje kujtdo që të kontaktojë Ambasadën e SHBA nëse dyshon se ndonjë person ose organizatë përpiqet të paraqesë veten në mënyrë të gënjeshtërt si të lidhur me ambasadën.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×