KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

VIDEO dramatike: Momenti kur taksia në Durrës ngjitet në trotuar dhe përplas 66-vjeçarin, shpëtojnë 4 kalimtarë të tjerë

17 August 2026, 15:42Aktualitet SHKRUAR NGA REDAKSIA VOX

VIDEO dramatike: Momenti kur taksia në Durrës ngjitet në trotuar

Një aksident i rëndë ka tronditur mëngjesin e kësaj të hëne lagjen numër 13 të qytetit të Durrësit, ku rreth orës 10:30 shoferi 26 vjeçar Aldi Talelli përplasi  66-vjeçarin Fezi Dine, i cili pasi përfundoi në trotuar me plagë të rënda në trup, ndërroi jetë në duart e mjekëve.

Në pamjet e publikuara nga Top Channel, duket momenti kur shoferi i “Wave Taxi”, i cili e ka parkuar makinën fillimisht në vijat e bardha, në një moment humbet kontrollin e saj dhe hyn në trotuar, ku përplas në murin e një biznesi 66 vjeçarin.

Në trotuar duket të ketë edhe disa qytetarë duke kaluar, të cilët fatmirësisht kanë shpëtuar pa marrë dëmtime. Mes qytetarëve që qenë duke ecur në trotuar ka qenë edhe një vajzë e vogël e cila ka shpëtuar mrekullisht nga përplasja.

Më tej duket se qytetarët të alarmuar përpiqen t’i japin ndihmën e parë 66 vjeçarit duke i dhënë ujë dhe më pas telefonojnë ambulancën.

Kutjojmë se menjëherë pas ngjarjes, i moshuari është transportuar për të marrë shërbimin e nevojshëm mjekësor në spital, nga ku bëhet me dije se fatkeqësisht nuk u ka mbijetuar dot plagëve të marra.

Pavarësisht përpjekjeve të bluzave të bardha për ta mbajtur në jetë, ai ka dhënë frymën e fundit. Ndërsa drejtuesi i automjetit është shoqëruar nga blutë e qytetit për në Komisariatin e Durrësit. Ku po merret aktualisht në pyetje, ai mësohet të ketë deklaruar se “i ka ikur mjeti”.

 


Në përputhje me standarded JTI

Video

SHIKO KANALIN NE YOUTUBE
×