ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Prangoset 42-vjeçari në Durrës, merrte para nga shoferët në parkingun falas të Bashkisë

20 August 2023, 15:16Aktualitet SHKRUAR NGA REDAKSIA VOX
Prangoset 42-vjeçari në Durrës, merrte para nga shoferët
Pamje nga policia Durrës

Një 42-vjeçar është vënë në prangat e policisë së Durresit pasi u merrte para qytetarëve që parkonin makinën në zona të përcaktuara si parking falas nga bashkia e qytetit.

Kjo nuk është hera e parë që persona të paautorizuar pretendojnë se janë pronarë të parkingjeve falas, dhe u marrin nga 200 deri në 500 lekë shoferëve te painformuar.

Njoftimi i policisë:

Iu merrte para qytetarëve që parkonin automjetet në një hapësirë publike që ishte përcaktuar nga bashkia, si vendparkim pa pagesë, arrestohet 42-vjeçari.

Si rezultat i kontrolleve të vazhdueshme që specialistët për Hetimin e Krimeve Ekonomike dhe Financiare të DVP Durrës kryejnë në subjekte të ndryshme ekonomike, është goditur një tjetër rast i përfitimit në mënyrë të paligjshme, të pagesave për parkimin e automjeteve në hapësira publike.

Për këtë rast, është vënë në pranga shtetasi A. Ç., 42 vjeç, banues në Durrës, pasi iu merrte para qytetarëve, për të parkuar automjetet në një hapësirë e cila ishte përcaktuar nga bashkia e Durrësit, si vendparkim pa pagesë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×