ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rrëzimi i kërkesës së Belerit për betim/ MPJ greke: Synohet heqja e tij nga posti i kryetarit

26 June 2023, 18:08Politikë SHKRUAR NGA REDAKSIA VOX
Rrëzimi i kërkesës së Belerit për betim/ MPJ greke:
Fredi Beleri

Në një komunikatë zyrtare, Ministria e Jashtme e Greqisë ka deklaruar se mospranimi i kërkesës së kryebashkiakut të zgjedhur të Bashkisë Himarë, Fredi Belerit për të bërë betim si kryetar i kësaj bashkie, tregon se synimi i autoriteteve shqiptare është heqja e tij nga posti i kryetarit.

Ministria e Jashtme e Greqisë: Ky refuzim dëshmon, përtej çdo dyshimi, se qëllimi i autoriteteve shqiptare është ta privojnë atë, pa një dënim përfundimtar dhe pa u akuzuar, nga detyra e kryetarit të bashkisë, në të cilën ai u zgjodh në mënyrë demokratike nga qytetarët e rajonit.

Ministria e Jashtme Greke shton se si kandidate për anëtarësim në familjen evropiane, “Shqipëria duhet të respektojë shtetin e së drejtës dhe prezumimin e pafajësisë”.

Sjellim në vëmendje se Gjykata e Posaçme ka rrëzuar sot kërkesën e Fredi Belerit për të marrë pjesë në betimin si kryebashkiak i Himarës. Ceremonia pritej që të kryhet ditën e martë (27 Qershor) ku do të konsituohet Këshilli i ri Bashkiak i Himarës, i dalë pas zgjedhjeve vendore të 14 Majit.

Kryebashkiaku i zgjedhur kërkoi të merrte pjesë në ceremoni, i shoqëruar nga forcat e policisë dhe më pas të kthehet në qeli. Gjykata vlerësoi se një kërkesë e tillë mund të pranohet vetë në raste vdekjesh, martesash dhe provimesh. Beleri ndodhet në qeli që prej datës 12 Maj ku akuzohet për korrupsion në zgjedhje.


Në përputhje me standarded JTI

Video

SHIKO KANALIN NE YOUTUBE
×