ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Zbardhet dialogu që hapi Botërorin, furtunë kritikash për aktorin Morgan Freeman

20 November 2022, 19:38Lifestyle SHKRUAR NGA REDAKSIA VOX
Zbardhet dialogu që hapi Botërorin, furtunë kritikash për
Morgan Freeman dhe Ghanim al Muftah

Aktori i famshëm amerikan, Morgan Freeman, ishte protagonist i ceremonisë hapëse të Kupës së Botës në Katar, përmes një dialogu me sipërmarrësin vendas Ghanim al Muftah.

Aktori 85-vjeçar e nisi duke rrëfyer vetëm me zë një segment të titulluar “thirrja”, por pas disa batutash u shfaq edhe vetë në skenën e ngritur në mes të fushës së stadiumit “Al Bayut”. “Jemi mbledhur të gjithë këtu si një tribu e vetme e madhe”, tha Freeman.

Freeman u prit në skenë nga 20-vjeçari Muftah, i cili ka lindur me një sëmundje të rrallë, si pasojë e të cilës nuk i janë rritur gjymtyrët e poshtme. “Afrohu”, i tha Muftah.

Kur Freeman iu përgjigj: “Nuk jam i sigurt, a jam i mirëpritur?”, Muftah i tha: “Prandaj bëmë thirrjen, sepse të gjithë janë të mirëpritur. Ishte një ftesë për të gjithë botën”.

Freeman iu përgjigj: “Më kujtohet se, edhe pasi morëm thirrjen, në vend që të gjenim një mënyrë tjetër, e hodhëm poshtë dhe donim të bënim sipas kokës sonë. Dhe tani bota ndihet më e largët dhe e përçarë. Si mundet kaq shumë vende, gjuhë dhe kultura të bashkohen, nëse pranohet vetëm një mënyrë?”.

Por në rrjetet sociale, tifozët e futbollit kanë reaguar negativisht kundër aktorit, që shfaqej katër vjet pas akuzave për sjellje të padenjë dhe ngacmim seksual nga plot 16 persona.

Ndërkohë, mediat britanike raportojnë se televizionet atje vendosën të mos e transmetonin ceremoninë, duke shfaqur në vend të saj një reportazh për abuzimet me të drejtat e njeriut që ndodhin në Katar.

Katari është kritikuar shpesh për trajtimin e punëtorëve të huaj, pjesëtarëve të komunitetit LGBTQI+ dhe kufizimet sociale që janë në fuqi në vend.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×