BIZNES/ Ekzekutivi blen aksionet e Legjislativit dhe Gjyqësorit, krijohet këpërata më e madhe në vend

 Kliko këtu për të tjera
Voxpress:

Demo dhe Koçiu në krye të PS për Tiranën, ministri: Besimin do ta kthejmë në punë konkrete dhe rezultate

14 Nëntor 2026, 15:41Politikë SHKRUAR NGA REDAKSIA VOX
Demo dhe Koçiu në krye të PS për Tiranën, ministri:
Ervin Demo dhe Albana Koçiu

Ervin Demo dhe Albana Koçiu do të drejtojnë së bashku Partinë Socialiste për Bashkinë e Tiranës. Pas vendimit të sotëm të Asamblesë Kombëtare të PS-së, ka reaguar edhe ministri i Brendshëm Ervn Demo.

Në një postim në rrjetet sociale pak pas përfundimit të mbledhjes së Asamblesë, Demo falënderoi kryeministrin Edi Rama dhe anëtarët e Asamblesë për besimin e dhënë.

Ai theksoi se prioritet do të jetë forcimi dhe organizimi i strukturave socialiste në çdo lagje, njësi administrative dhe fshat të Tiranës. Sipas tij përgjegjësia e PS-së është ndaj të gjithë qytetarëve të kryeqytetit, pavarësisht bindjeve politike.

Reagimi i plotë i Ervin Demos:

Faleminderit kryetarit të Partisë Socialiste, Edi Rama, dhe anëtarëve të Asamblesë Kombëtare për besimin që na dhanë sot mua dhe Albana Koçiut për të drejtuar së bashku Partinë Socialiste në Bashkinë e Tiranës.

Mirënjohje për çdo socialist e socialiste për punën dhe përkushtimin e tyre ndër vite.

Së bashku me Albanën, me skuadrën e deputetëve të Bashkisë së Tiranës dhe me të gjitha strukturat tona, do të angazhohemi për organizimin dhe forcimin e Partisë Socialiste në çdo lagje, njësi administrative e fshat të Tiranës.

Një organizim që mbështetet te puna në ekip, përgjegjësia individuale, komunikimi i vazhdueshëm me qytetarët dhe ndjekja konkrete e problemeve të tyre.

Qytetarët e Tiranës kanë të drejtë të kërkojnë më shumë prej nesh: shërbime publike më të mira, shkolla të sigurta për fëmijët, institucione që përgjigjen dhe zgjidhje për shqetësimet e përditshme.

Për mua, këtu matet edhe puna politike: sa pranë njerëzve jemi, sa i njohim problemet e tyre dhe sa këmbëngulim për t’i zgjidhur.

Duhet të dëgjojmë edhe kur kritika është e fortë, të pranojmë atë që nuk funksionon dhe të punojmë për ta përmirësuar.

Së bashku me deputetët, drejtuesit e strukturave dhe çdo anëtar të Partisë Socialiste, do të ndërtojmë një mënyrë pune ku secili ka përgjegjësi të qarta, ku prania në terren është e përditshme dhe ku çdo shqetësim i qytetarëve ndiqet deri në zgjidhje.

Përgjegjësia jonë është ndaj të gjithë qytetarëve të Tiranës, pavarësisht bindjeve të tyre politike.

Besimin që morëm sot do ta kthejmë në organizim, punë konkrete dhe rezultate për Tiranën!


Në përputhje me standarded JTI

Video

SHIKO KANALIN NE YOUTUBE
×