ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Dortmundi katastrofë, i "fal" titullin kampion Bayern Munich në javën e fundit të kampionatit

27 May 2023, 17:44Sport SHKRUAR NGA REDAKSIA VOX
Dortmundi katastrofë, i "fal" titullin kampion Bayern Munich
Bayern dhe Dortmund

Bayern Munich është shpallur për të 11 herë rresh kampion të Bundesligës gjermane dhe të 33-tin në historinë e klubit, e cila është vendosur në javën e fundit të kampionatit. Shpresat për ta ishin të paktat, por barazimi i Dortmundit bëri që ata të shpalleshin kampion.

Bavarezët bënë detyrën e tyre duke mundur 1-2 Koln në fushën e këtyre të fundit. Për Bayern shënoi Coman dhe Musiala, ndërsa golin e vetëm për kundërshtarët e realizoi Ljubicic.

Nga ana tjetër, Dortmundi nuk shkoi më shumë sesa një barazim 2-2 në fushën e saj përballë Mainz, e cila nuk luftonte për asgjë.

Mysafirët gjetën golin në minutën e 15-të me Olsen. Skuadra vendase mund të vendoste ekuilibrat pas 4 minutash me Haller, por sulmuesi gaboi nga pika e bardhë e penalltisë. Të besuarit e Svensson dyfishuan shifrat me Onisi2o në minutën e 24-të, duke i dhënë një goditje të rëndë verdhezinjëve.

Goli i shpresës për Reus me shokë erdhi në minutën e 70-të nga Guerreiro, por tepër vonë, pasi nuk mjaftoi as goli i Sule në minutat shtesë të takimit.

Me këtë rezultat, Dortmund zhgënjeu totalisht tifozët e saj të cilët kishin tejmbbushur stadiumin “Signal Iduna Park” dhe ishin bërë gati për të festuar.

Bayern Munich dhe Dortmund me këto rezultate e mbyllën kampionatin të dy me nga 71 pikë, por bavarezët shpallen kampion për shkak të golavarazhit dhe ndeshjeve direkte.

Skuadra e drejtuar nga Tomas Tuchel përmbyll në mënyrën më të mirë të mundshme sezonin, duke shënuar 91 gola dhe ka pësuar 37.

Trofeu origjinal ishte në Dortmund dhe Bayern nuk arriti dot ta ngrinte ditën e sotme.

 


Në përputhje me standarded JTI

Video

SHIKO KANALIN NE YOUTUBE
×