ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Shtyhet për të tretën herë seanca për Fatmir Mediun, më 7 qershor jepet pretenca

24 May 2023, 12:44Politikë SHKRUAR NGA REDAKSIA VOX
Shtyhet për të tretën herë seanca për Fatmir Mediun,
Fatmir Mediu

Në Gjykatën e Posaçme është shtyrë sërish seanca për ish-ministrin e Mbrojtjes Fatmir Mediut sa i takon çështjes së Gërdecit.

Ditën e sotme pritej pretenca, pra që Prokuroria e Posaçme të lexojë konkluzionet për Mediun, të cilin e ka marrë të pandehur për dy vepra penale, por dy avokatët e Mediut nuk u paraqitën. Seanca u vendos të mbahet më 7 qershor ora 14:00.

Kjo është hera e tretë që shtyhet seanca në të cilën është parashikuar të jepet pretenca e SPAK, me po të njëjtën arsye, pasi nuk janë paraqitur avokatët mbrojtës të Mediut.

Avokati Henrik Ligori kishte paraqitur një raport mjekësor dy ditor, përmes së cilit argumentoi edhe mungesën e tij. Nga ana tjetër, avokati tjetër Ardian Visha kishte paraqitur një fletëthirrje gjyqi që kishte në një proces tjetër në Durrës.

Dy prokurorët Klodian Braho dhe Arben Kraja e kanë konsideruar të paligjshëm pretendimin e avokatit kërkuan të caktohet edhe një avokat nga shteti. Do të jetë avokati Artan Simoni që do të përfaqësojë Mediun në seancën e radhës më 7 qershor. Prokurorët e SPAK e bënë kërkesën për avokat shtetit në mënyrë që në seanca tjetër të mos dështojë. Pra, edhe nëse avokatët e Mediut do të mungojnë sërish, nuk do të ketë mundësi për t’u zvarritur seanca, pasi Prokuroria do të lexojë pretencën në prani të avokatit të shtetit.


Në përputhje me standarded JTI

Video

SHIKO KANALIN NE YOUTUBE
×