ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Jam kokënxehtë, një futbollist i keq dhe pa para në xhep”, një rrëfim i rrallë i Papa Françeskut

24 March 2022, 22:00Lifestyle SHKRUAR NGA REDAKSIA VOX

“Jam kokënxehtë, një futbollist i keq dhe pa para në

Ai është i nxituar, një futbollist i keq dhe disa herë i frustruar që nuk paratë e tij në xhep për të shpenzuar. Françesku vesh një veshje papale, por ato fshehin një njeri normal, thotë Papa në një libër të ri.

“Unë jam kokënxehtë, i padurueshëm. Ndonjëherë nxitoj me vendime,” thotë kreu i Kishës Katolike në librin e ri, “Nga të varfrit te Papa, nga Papa në Botë” (From the Poor to the Pope, From the Pope to the World), bazuar në përgjigjet e Françeskut për pyetjet nga njerëz pa privilegje dhe të varfër të botës.

Nga favelat braziliane te të pastrehët në Indi, Iran dhe Shtetet e Bashkuara, njerëz nga 80 vende i kanë dërguar 100 pyetje Papës, përgjigjet e të cilave janë mbledhur në një libër që do të botohet më 1 prill.

“Sa paguhesh? Ke pasur ndonjëherë të dashur? Ke ndonjë defekt?”

Këto janë disa pyetje të bëra për Papa Françeskun si pjesë e një projekti të shoqatës franceze Lazarus, e cila menaxhon shtëpitë ku jetojnë së bashku ish-të pastrehët.

Kreu i 1.2 miliardë katolikëve në botë pranoi të merrte pjesë në projekt “dhe ishte çuditërisht i sinqertë, madje edhe për çështje shumë personale”, tha sekretari i përgjithshëm i shoqatës Pierre Durieux.

Papa, i cili e përshkruan veten si ëndërrimtar dhe dashnor i poetit francez Baudelaire, iu është përgjigjur pozitivisht pyetjeve.

“Megjithë orarin e çmendur, ai gjeti kohë për të dëgjuar të gjitha pyetjet, deri në një”, tha Durieux.

“Varfëria ime është fiktive”

Ishte Jorge Mario Bergoglio ai cili zgjodhi emrin e Françeskut për të treguar se në papatin e tij të varfrit e botës do të jenë në ballë. Ndaj ky i fundit flet për jetën, familjen, shijet, thirrjen priftërore dhe intolerancën ndaj luksit.

“Më dhemb kur njerëz nga Kisha, priftërinj, peshkopë, kardinalë, ngasin makina luksoze, larg nga të qenit një shembull i varfërisë”, ka thënë Papa, siç citohet në libër.

I refuzon të gjitha gjërat e shtrenjta, ndonëse e pranon se nuk mund t’i blinte edhe sikur të donte.

“Unë nuk paguhem, asnjë qindarkë! Më ushqejnë dhe nëse më duhet diçka, thjesht e kërkoj”, tha ai.

“Varfëria ime është fiktive sepse nuk më mungon asgjë”, pohoi ai.

Një sqarim tjetër ka qenë ai i raportit me futbollin. Papa, me origjinë nga Argjentina, nuk ka qenë kurrë i aftë në këtë sport.

“Kur isha i ri më vinin gjithmonë në portë sepse luaja keq. Më thanë se kisha dy këmbët e majta”, ka thënë ai me shaka.

“Një sens brilant humori”

Loic Luisetto, menaxher i shoqatës Lazare, tha se Françesku ishte “një njeri i thjeshtë me një sens brilant humori”.

“Ne i dhamë atij një buton të vogël që mund ta përdorte nëse nuk donte t’i përgjigjej pyetjes. Ai kurrë nuk e përdori atë”, tha Luisetto.

Në katër takime në Vatikan, Françesku foli virtualisht me dhjetëra njerëz në një projekt të organizuar nga Lazarus dhe 20 OJQ nga pesë kontinente.

“Çfarë do t’i kërkoni Papës nëse do të jetë para jush?”, u pyetën pjesëmarrësit.

I gjithë nervozizmi për t’i bërë pyetje personale katolikut të parë në botë u zhduk pasi organizatorët, të cilët po qëndronin në rezidencën e Papës në Vatikan, e hasën atë teksa ai po bënte punët e zakonshme të përditshme.

Ata e panë Françeskun “në ashensor ose në mëngjes”, tha Durieux, duke shtuar se kjo afërsi kontribuoi në ndërtimin e një “atmosfere familjare” gjatë intervistës.

Në mëngjes, Papa ndoshta kishte qenë zgjuar për orë të tëra.

Ai pranoi se ishte një “zombi i vërtetë” në mëngjes, gjë që mund të mos jetë aq befasuese duke marrë parasysh faktin se ai zgjohet pak pas katër të mëngjesit.

Por ngritja kaq herët në moshën 85-vjeçare ka çmimin e vet, ndaj Françesku pranoi se “ndonjëherë e zë gjumi gjatë lutjes”.

Pasi ngrihet, vishet. Megjithatë, ai nuk vesh kurrë pantallonat e bardha tradicionale të veshura nga paraardhësi i tij, Papa Benedikti XVI.

“Unë nuk jam prodhues akulloresh”, thotë Papa Françesku.

/Clement Melki- AFP


Në përputhje me standarded JTI

Video

SHIKO KANALIN NE YOUTUBE
×