ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Ukraina i bën dëm kolosal Rusisë, rrëzon 3 avionë Sukhoi Su-34 brenda një dite

23 December 2023, 18:39Kosova&Bota SHKRUAR NGA REDAKSIA VOX
Ukraina i bën dëm kolosal Rusisë, rrëzon 3 avionë
Avionë rusë Sukhoi Su-34

Ukraina pretendon se ka arritur të rrëzojë tre avoinë rusë Sukhoi të modelit Su-34, duke i shaktuar një dëm të madh në fushëbetejë.

Lajmi u konfirmua nga presidenti ukrainas Volodymyr Zelenskyy që deklaroi se kjo kishte ndodhur në rajonin Kherson, ku luftimet vazhdojnë me intensitet të madh.

“Në mesditën e sotme, tre avionë gjuajtës-bombardues rusë Su-34 u rrëzuan në zonën operative jugore”, njoftoi në Telegram komandanti i Forcave Ajrore të Ukrainës, Mykola Oleshchuk.

Në fjalimin e tij të premten në mbrëmje, Zelenskyy saktësoi se këta avionë ishin rrëzuar nga raketa dhe tha se ai ishte "mirënjohës ndaj ushtarëve që shkatërruan tre avionë rusë Sukhoi në të njëjtën kohë në rajonin e Kherson".

Që nga fillimi i luftës, Rusia ka konfirmuar se ka humbur 10 avionë Su-34 në luftë, por shifrat duket të jenë shumë më të larta.
Su-34 është gjuajtës-bombardues supersonik me dy vende, avioni më i avancuar i Rusisë me rreze të mesme, një lloj avioni që nuk gjendet zakonisht në arsenalet perëndimore, me F-111 dhe F-15E Strike Eagle të prodhimit amerikan që janë homologët më të ngjashëm me shumë funksione.

Në shërbim që nga viti 2014, Moska e vendosi avionin në misione në Siri dhe Ukrainë. Pavarësisht se Kremlini e shpall atë si xhevahirin e kurorës së aviacionit të tij ushtarak, Su-34 janë përdorur në sulmet e bombardimeve në lartësi të ulëta për shkak të mungesës së raketave të komanduara, duke i ekspozuar ato ndaj mbrojtjeve të rënda ajrore.

Një avion Su-34 kushton rreth 36 milionë dollarë. Raportimet thonë se avionët rusë janë rrëzuar nga sistemet raketore "Patriot" që Gjermania i ka dhuruar Ukrainës.


Në përputhje me standarded JTI

Video

SHIKO KANALIN NE YOUTUBE
×