ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rusia po përpiqet që të hakojë një teleskop gjerman në hapësirë

8 June 2022, 19:17Kosova&Bota SHKRUAR NGA REDAKSIA VOX
Rusia po përpiqet që të hakojë një teleskop gjerman
Teleskopi Spektrum-Röntgen-Gamma (SRG) u lëshua në hapësirë në 2019-n si bashkëpunim me Rusinë

Pasi u ndalua nga përfshirja në një projekt bashkëpunues në teleskopin me rreze X me Gjermaninë në vazhdën e pushtimit të Ukrainës, Rusia tani po kërkon të përdorë teleskopin pa kontributin e Gjermanisë.

Observatori hapësinor Spektrum-Röntgen-Gamma (SRG) i nisur në vitin 2019 është një teleskop me rreze X i krijuar për të vëzhguar galaktikat e largëta dhe vrimat e zeza supermasive. Agjencia ruse hapësinore Roscosmos bashkëpunoi me DLR, agjencinë gjermane të hapësirës në projekt me ndërtimin dhe lëshimin e anijes kozmike Roscosmos dhe DLR e Institutin Max Planck të Gjermanisë që projektuan instrumentin parësor të vëzhgimit eROSITA.

Dy ditë pasi Rusia pushtoi Ukrainën, Gjermania e vendosi eROSITA në modalitetin e gjumit, me "të gjitha operacionet shkencore me instrumentin aktualisht të ndaluar". Shefi i Roscosmos Dmitry Rogozin, një aleat i presidentit rus Vladimir Putin, ishte i pakënaqur me këtë veprim dhe ka dhënë urdhër për të rivendosur funksionimin e teleskopit pa lejen e Gjermanisë.

Burimet i thanë Ars Technica se Rogozin e ka bërë këtë me miratimin e Putinit.

Në një intervistë në TV rus, Rogozin tha, sipas Deutsche Welle: "Pavarësisht kërkesës së Gjermanisë për të mbyllur një nga dy teleskopët në Spektr-RG, specialistët rusë këmbëngulin për të vazhduar punën e tij. Roscosmos do të marrë vendimet përkatëse në të ardhmen e afërt. "

Ai shtoi se njerëzit që morën vendimin për të mbyllur teleskopin "nuk kanë të drejtë morale të ndalojnë këtë kërkim për njerëzimin vetëm prej pikëpamjeve të tyre pro-fashiste".

Megjithatë, jo të gjithë të përfshirë në anën ruse të projektit pajtohen me veprimet e Rogozin, sipas Deutsche Welle, sepse nëse Roscosmos arrin të rrëmbejë teleskopin, ata mund të përfundojnë duke dëmtuar pajisjet delikate brenda tij.


Në përputhje me standarded JTI

Video

SHIKO KANALIN NE YOUTUBE
×