KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Mesdheu nën pushtetin e temperaturave të larta dhe zjarreve

17 July 2022, 17:17Kosova&Bota SHKRUAR NGA REDAKSIA VOX

Mesdheu nën pushtetin e temperaturave të larta dhe zjarreve

Franca ka evakuuar më shumë se 14,000 njerëz të kërcënuar nga zjarret në jug-perëndim, ndërsa flakët po përhapen edhe në Spanjë, Kroaci dhe Greqi.

Autoritetet në Gironde të Francës, një rajon i njohur turistik, kanë evakuuar rojet nga kampingjet - turistët u larguan më herët. Zjarret janë përhapur në zonat Teste-de-Buch dhe Landiras.

Në Spanjën jugore, më shumë se 3,200 njerëz u larguan nga zjarret në kodrat Mijas, megjithëse më vonë disa u rikthyen.

Zjarret e Portugalisë janë vënë nën kontroll për momentin. Megjithatë, qeveria portugeze thotë se 659 njerëz kanë vdekur - kryesisht të moshuar - nga të nxehtit gjatë javës së kaluar.

Zjarret e Mijas në Spanjë janë jo shumë larg nga Málaga, një zonë e njohur turistike. Diku tjetër në Spanjë, zjarret kanë shpërthyer në provincat Castilla y León, Galicia dhe Extremadura.

Në të gjithë Mesdheun - nga Maroku në perëndim deri në Kretë në lindje - mijëra zjarrfikës dhe shumë avionë bombardues me ujë po luftojnë me flakët. Që nga e marta, i gjithë rajoni është zhytur në temperatura ekstreme.

Valët e të nxehtit janë bërë më të shpeshta, më intensive dhe zgjasin më gjatë për shkak të ndryshimeve klimatike të shkaktuara nga njerëzit. Toka tashmë është ngrohur me rreth 1.1 C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha në emetimet e karbonit.


Në përputhje me standarded JTI

Video

SHIKO KANALIN NE YOUTUBE
×