ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Dritë jeshile për nisjen e negociatave, Maqedonia e Veriut mbështet “planin Macron”

1 July 2022, 18:53Kosova&Bota SHKRUAR NGA REDAKSIA VOX
Dritë jeshile për nisjen e negociatave, Maqedonia e Veriut
Maqedonia e Veriut mbështet “planin Macron”

Maqedonia e Veriut ka publikuar variantin e saj të propozimit të presidentit francez, Emmanuel Macron, për tejkalimin e mosmarrëveshjes me Sofjen, me të cilën do të nisin negociatat për anëtarësim në BE.

Kryeministri Dimitar Kovaçevski, deklaroi për mediat se e shqyrtoi atë bashkë me partnerët e koalicionit dhe konfirmoi se shqetësimet e shprehura nga ai janë adresuar.

Kreu i qeverisë së Shkupit bëri të ditur se hapat e radhës janë diskutimi i planit Macron me presidentin, parlamentin, opozitën dhe shoqërinë civile.

Kovaçevski tha se në propozimin europian është pranuar dhe përcaktuar qartë gjuha maqedonase dhe se protokolli nuk do të jetë pjesë e kornizës negociuese.

“Kemi mbrojtur interesat kombëtare dhe identitetin maqedonas”, u shpreh ai në një konferencë për shtyp.

Ndërsa ministri i jashtëm i Maqedonisë së Veriut, Bujar Osmani, tha se sapo propozimi francez të miratohet nga qeveria do të organizohet dhe konferenca e parë ndërqeveritare me Bashkimin Europian, por një datë të saktë nuk dha.

Opozita e VMRO-DPMNE u shpreh kundër platformës Macron duke pretenduar se përmban të gjitha kërkesat bullgare dhe e detyron Shkupin të veprojë nën diktatin e shtetit fqinj. Lideri Hristijan Mickocki, thirri qytetarët në protesta pasi sipas tij, propozimi francez i jep mundësinë Sofjes që të mos lejojë hapjen e kapitujve të parë deri sa Maqedonia e Veriut të ndryshojë kushtetutën dhe librat e historisë.


Në përputhje me standarded JTI

Video

SHIKO KANALIN NE YOUTUBE
×